影片
以上资料只供参考，请与餐厅确认详情
本來想試3樓間法國餐廳，但去到時3點幾，佢要6pm先再開，就係附近搵下有咩食，見到個和牛爆丼飯好似唔錯，就試下，攞嘅時間見到個樣已經唔開胃，全部根位，同佢樣相完全兩個樣，食落勁難食，Food Court 真係唔好隨便試，一啲誠意都無，咁都可以比個客。絕對bad list
继续阅读
係澳門酒店行到攰，夜晚8點經過巴黎人購物中心嘅food court，見到其他中式料理都截咗單，得番呢間東瀛十八番 仲未收，就揀咗呢間日本嘢食。我哋嗌咗個和牛爆丼同鐵板牛肉炒烏冬，和牛丼嘅牛肉份量都算多，不過肉質一般，咬落口感唔差但肉味唔太重，汁係分開上而唔係冧係飯入面，屬於偏甜嘅燒汁，白飯係用珍珠米，軟硬適中。牛肉炒烏冬嘅牛肉都算係靚嘅牛肉片，配菜有椰菜同紅蘿蔔絲，烏冬都幾煙韌，醬汁都係偏甜嘅燒汁。價錢都算合理，大家係酒店行街行到攰就可以嚟呢間食個快飯再去血拼過啦！📍澳門路氹城路氹金光大道連貫公路澳門巴黎人購物中心5樓凡登廣場552號舖位置就腳：🍊🍊🍊🍊餐廳環境：🍊🍊🍊食物味道：🍊🍊🍊整體CP值：🍊🍊🍊
继续阅读
澳門遊，我們慣常的尾聲就是去路氹的賭場商店街，感受一下東方拉斯維加斯的繁華。亦因為這樣，我地好多時都會在這兒尋食。之不過，路氹城各商場酒店的大多數餐廳都是比較高檔的，不乎合我們窮遊的所需。所以，當我們要食野時，首選就係場內的 food court。這一次澳門遊，最後的一站來到了巴黎人，在太太另有野食時，我同仔仔就在該商場的 food court 尋食，而《東瀛十八番》我的選擇。看來看去，同場的食店大都是廣東式、南洋式及更多的就是北方菜。味道遷就了國內遊客多過香港人及本地人。然後，我遇見了這《東瀛十八番》，日式的丼飯似乎是合胃口及老少咸宜 (因為我要同阿女分)。最後，我決定來一份滑蛋豬扒飯，再加一份枝豆給太太作小食。滑蛋豬扒飯的味道，我可以俾一個夠高既分數，因為吃入口夠甜美，蛋雖然好似過熟，但無阻那帶有洋蔥香的清甜味混合普蛋香同豬肉香而滲入米飯之中，令到整個飯都香甜無比。另外，枝豆同炸餃子都做得味美。惟是個湯淡口左少少。合胃口，啱味道，就是簡單一餐所要求的質素。巴黎人 food court 的《東瀛十八番》 ，沒有令我失望。
继续阅读
個飯冇錯，錯就錯在個服務員一直係到玩電話唔派單⋯⋯⋯個飯同個滑蛋都凍左係酒店入面既美食廣場食75蚊都算ok既，環境不錯，仲有音樂聽，只係唔明點解個蛋廚師整好出黎都唔比客人拎呢？話要等顯示版出號碼先拎得？但佢比我拎既時候碗飯已經放左係到15分鐘，我就企左係到15分鐘⋯⋯
继续阅读
您可能会有兴趣的...