祐記龍鬚糖 (已結業)

想食好耐又一直就唔岩時間，「龍鬚糖」我的童年甜品，細個經過紅街市門口必定拉住屋企人買一盒。印象記得上次買幾盒仲係紙盒綁橡筋，今次買已經轉左新包裝，未開封前更密實，一盒變成六件，雖然眼見推出多款新口味，始終鍾情於原味，可以放常溫，但一如既往我更鐘意雪凍後食🥰！.另外瘋堂斜巷分店甚至推出左龍鬚糖雪糕，呢款榴槤龍鬚糖雪糕係夏季限定，每日限量供應。熟悉的龍鬚糖口感，裡面香濃榴槤雪糕，唔錯的體驗。.建議大家買前，可inbox或打電話問下先。雪糕易融關係，店員建議即時食，除非好似我咁近衝番屋企。.原味龍鬚糖 ($28)榴槤雪糕龍鬚糖 ($40/2粒）

搵大三巴經過呢間龍鬚糖，因為未見過現場即刻整龍鬚糖，捉住Boss企定定睇表演。😌😌入去睇啲產品聽到原來有雪糕龍鬚糖，即刻心心眼叫咗兩粒。入去睇啲產品聽到原來有雪糕龍鬚糖，即刻心心眼叫咗兩粒黎試吓！等左一陣就整好，同Boss一人一粒食落去呆左，好好味，中間個朱古力雪糕原來都係自家製，同龍鬚糖好夾食落口凍冰冰又好鬆軟好好味😍😍🤤🤤實在忍不住返入店稱讚一下店主🤤🤤🤗🤗當然買左兩盒原味返香港做手信同自用都一流☺️☺️☺️

睇旅遊書介紹Macau🇲🇴呢間有四十年歷史既馳名龍鬚糖店，跟隨旅遊書所示地址，去到紅街市某銀行門口，可是白行一趟，終在其他途徑發現原來搬左入舖頭。舖頭裝修相當肆正，門口有玻璃窗望到師傅即場拉龍鬚糖，可是卻買不到師傅即場拉，新鮮即造的龍鬚糖，店舖架上都是預先密封包裝的。買左一盒黎食，咬左一啖，感覺到龍鬚糖係一絲絲的，口感夠脆！而且入口即溶，椰絲、花生餡料亦不會太甜，確實好味！原味龍鬚糖6粒$28