佛笑樓餐廳

营业中

休息中

閨蜜話好耐無去佛笑樓食飯，所以過年前年廿八就同咗佢去食。一去到，門外已經好有新年氣氛，大大幅對聯同大大隻招財貓，好可愛。兩個人叫咗一個非洲雞、芝士肉醬焗意粉，閨蜜話咁耐無嚟，啲嘢食都保持水準，最後一定要叫埋我哋兩個最鍾意嘅梳乎厘啦，咁就滿足晒。

上次朋友黎過澳門, 介紹呢間好食, 今次去試下, 單單個門面已好吸引, 影左好多相. 好多熊仔, 又有招財貓, 北極熊. 整條福隆新街最靚仔就係呢間. 估唔到原來已過百年. 食物方面樣樣都幾好, 乳鴿, 大蝦呢D不錯, 最特別是焗蟹蓋, 唔會有咁多CREAM. 只有蟹肉和小小火腿, 問過侍應, 佢話係用成隻蟹拆出黎. 確實對得起個價錢. 其他食物都幾好, 不過這個蟹蓋印象最深刻. 價錢就見仁見智, 同香港食餐廳差不多, 新年有額外10%收費, 但過年都無所謂, 大家開心

話說媽媽生日，我哋都會同佢去澳門行街食嘢今年通返關後亦都唔例外。剛好喺準備去媽祖廟前，見到哩間餐廳皆因門外並無詳細餐牌介紹所以我哋就入內打算搵職員拎嚟睇睇一樓見冇職員，就行樓梯上二樓有一男一女職員，我哋就問佢哋想拎個餐牌睇嗰位男職員嘅態度，真係唔多友善態度完全比人感覺係喺度趕客！當我哋睇見餐牌介紹，好似都唔錯嘅時候就落返樓下嗰層，因為覺得樓下嗰層嘅裝修比較靚同有啲特色。我哋叫咗招牌乳鴿，海鮮飯，雜菜同埋梳乎厘味道係唔錯嘅，但海鮮飯就有些少偏咸當我父母上網睇哩間餐廳介紹，見到好多人都話味道好係，食物質素係唔錯，但人嗰方面，有啲員工絕對需要再培訓！梳乎厘我哋叫咗個細嘅，但算係有意外驚喜因為有諗過細嘅，都幾大個😂整體嚟講，以評分準則嚟睇食物⭐️⭐️⭐️⭐️環境⭐️⭐️⭐️⭐️服務⭐️⭐️⭐️尤其當我見到佢哋櫃檯有個「2023星級服務」哩個稱號，而最後得到嘅服務，就真係唔多配有此稱號了…澳門葡國餐，選擇多，如果哩間餐廳繼續以哩個服務態度待客，應該都好快好似某餐廳一樣，唔再有多客特意前來用餐…

好食😋！ 第一次到訪，座位寬敞舒適。食物質素高。食物不會太鹹，能突出原材料味道，現在很少地方做到。叫了一些招牌菜，牛尾、海鮮飯、葡國拼盤、白汁蜆，點了一杯水果酒，傳統的味道，果然最好食！葡國菜美味值得推薦

入到去一個字正！今日第一次到，环境內外优美，有-一種高檔餐廳感覺，而且佛笑樓餐廳店内有動人音樂播放，令到食野都更加美味，地方乾淨。野食新鮮好味，令人回味無窮，一定會再次光顧。

疫情過後，雖然只剩下一間店，但人情味依舊，店員熱情款待及介紹🫶🏻❣️味道保持一貫水準，推介馬介休球，乳鴿，重點係海鮮焗飯，好好味，好開胃，海鮮配料多，下次一定會再叫😎

二人晚餐，點了四款食物，乳鴿肉嫩不肥很出色，本來不打算吃飯，但牛尾的配料和汁好味，都要叫個白飯😋餐廳環境舒服有特色，員工有禮貌，餐廳連地下有3層，想不到地方咁大 。選了葡式頭盤拼盤，一次過可以吃晒三款美食，包括有炸蝦多士、葡式牛肉碌結、馬介休球，等於一次過滿足3個願望，其實好想叫法式焗蝸牛，但是眼闊肚窄，真是吃不下了，還有很多很多美味的菜式，留待下次再來吃過，加上地點方便，就在新馬路附近，福隆新街

位置方便，野食好味，乾淨知整！good 不過排隊需時，所以如果想一大班人食嘅話一定要預早預約 。當日星期六，好好彩冇乜人所以先可以一早入到去如果唔係一定有排等呢！ 總括嚟講，非常好

環境好菜品不錯需要預約，最好提前做好功課，不然容易跑空，點了好几樣，招牌燒乳鴿和扒魔鬼大蝦味道很不錯👍木糠布甸也好吃，人均有點小貴，不過值得一試，看到有不少老顧客

帶屋企人澳門一天遊，網上推薦依間葡國菜，見夾工時間就過嚟試吓。環境好懷舊，保留古老建築嘅特色。服務員做嘢好快手，服務態度又好。前菜又熱又脆，一嚟就比人食晒影唔到相推薦叫葡式前菜拼盤，三樣都有唔洗揀。主菜嘅馬奴牛排又軟又好食。所有嘢上菜都熱辣辣，正！至於價錢就唔平呀，抵唔抵食就見人見智啦！

每次來到佛笑樓. 總會吃招牌燒乳鴿. 每次總會回心微笑. 然後. 上次試吓佢嘅木糠布甸. 簡直是驚為天人. 問世間. 減肥是何物🤣還有. 它的豬仔包脆到一個點. 配上牛油. 幸福滿滿. 我今天還吃了兩個😎

澳門一日遊。我由細到大去澳門都無正正經經食葡國餐，今日同男朋友決定搵返間餐廳試下。男朋友話葡國餐無咩特別，但我都想自己試下。嗌咗小食拼盤，焗骨，葡國雞。乳鴿係招牌菜，但我覺得廣東都大把好味乳鴿，就無試乳鴿。食完感覺就係真係無咩特別。但未食過葡國餐既話可以一試

来一次澳门总要吃一次葡国菜，这家昨晚逛街偶遇，今天订了位，周一的中午也满座。乳鸽是必点招牌做法和港式脆皮乳鸽不太一样，蛮好吃。10%的服务费有点高，并没有专人负责一个区域，上菜速度有待提高…

我是看了央视的节目来吃的，经推荐乳鸽，海鲜焗饭好好吃服务也很周到，菜量也很大，完全够吃，推荐大家来吃还有甜品的舒芙蕾虽然需要等40分钟，但是很值得吃一下，软绵绵的

難得同屋企人去澳門旅行，食返以前屋企人嚟過食過嘅老字號葡菜。餐廳環境幽靜坐得舒服。點餐後待應就送呢個豬扒包嚟，熱辣辣外脆內軟好好吃。地中海香蒜中蝦蝦非常之新鮮，好實肉，煎得好有油香。連同配菜好似係蒜頭片、紅椒、橄欖都好香口好好食。燒乳鴿用13-15日大嘅bb鴿製成，肉質嫩滑。馬介休炒飯雖然貌似西炒飯，但其實好足料，有好幾舊大馬介休，炒飯粒粒分明唔油膩。非洲雞個汁幾特別，雞肉肉質嫩滑。整體唔錯嘅用餐體驗。