占西餅店

营业中

休息中

占西餅店睇過澳門某youtuber 團體提及過呢間餅店 相信都係好多澳門人由細食到大既懷舊餅店bookmark左想試好耐今次食到好開心!因為係我目前為止食過最好食既沙翁 (或者有人叫佢做蛋球)咬落係超級超級鬆軟!!蛋香味撲鼻而來空氣感好重，口感蓬鬆再配埋面頭砂糖既香同脆簡直一流本身我自己好鍾意食香港大澳既沙翁但係食完占西之後    完全比佢攻佔左我心目中既第一位另外小店仲有好多傳統嘅糕點  我另外試埋忌廉筒都唔錯有D後悔番香港之前冇買多D而且價錢都唔貴 係食多幾個都唔會心痛個荷包

我哋終於嚟到呢間bookmark咗一排嘅舖頭🔖，網上好多人都推介佢嘅🔴沙翁($7/個)。果然真係好鬆軟😋，裏面好有空氣感、好蓬鬆💨，而且蛋嘅香味🍳都好濃郁，外面配埋香口嘅砂糖🍭，果然冇令我哋失望。相比起我哋之前食過同樣係好出名嘅大嶼山大澳沙翁🏝️，澳門呢一間更加重甜味🍬。呢度除咗莎翁，仲有忌廉同等等傳統嘅糕點。#占西餅店📍澳門下環風順堂街33號豐明大廈地舖📍MON-SUN 08:00-20:00

一口氣買左 蛋球+ 馬令 + 硬豬！蛋球 傳統野，蛋球表面既糖，遲d食就會濕，當然要即買即食，味道不過不失，同香港泰昌水準差不多。合桃馬令最有驚喜，上層鬆脆蛋白餅，下面用牛油蛋撻皮托底，雖然甜d，但真係好味！傳統得黎勁有驚喜.. 即刻食左2個… 有機會會再回購！硬豬香港好食既硬豬愈黎愈難買，有d硬得黎唔好食，有d就做到好似陣風咁，入面係空心既，但係佢地出品既硬豬軟硬適中，good!

作為一個香港人，應該會覺得占西很難找。它其實在新馬路郵政局後面正對面的一条叫龍嵩街的大斜路一直上到頂，右邊會見到上世界遺產崗頂劇院和St Augustine Church和聖約翰修院的斜路，繼續一直行一個block見到印務局的交义位，你就可以見到占西了。另一方法是從南灣的舊澳督府上山就見到了。它亦鄰近另一世遺聖老楞座堂和澳門名校慈幼中學，所以也不是太難找的。早上去時店員說沙翁要下午1時才出爐。因為那天一直在風順堂附近就在12:30左右去踫運氣。一入店已見到已賣了一些的出爐沙翁，立即買下這個朋友極力推薦的美食。它是暖暖的，所以它應不是剛出爐，但入口即化，沒有一般沙翁那種很煎炸熱氣油膩的弊病，它很鬆軟，也不太甜。是少有很好吃的沙翁。我朋友當天下午4時去已賣光，他買了泡芙感覺一般。蝦多士因為涼了所以有點硬。它是老式小麵包店，所以也有很多兒時的選擇。在去看附近世遺時，也可以去踩點懷舊一番!