名家韓國料理

营业中

休息中

繼續澳門雨天之選系列，試左香港都有但黎到澳門第一次食嘅名家，原因係呢間餐廳拎左米芝蓮「推介」。八爪魚石頭飯$138，八爪魚好新鮮，好煙韌但又唔似擦膠，用醬汁醃過，所以其實唔落甜辣醬再拌飯已經夠味，另外呢隻石窩因爲夠熱，可以整到好多飯焦出黎，跟飯仲有海帶東菇湯，岩晒減下辣～仲有紅酒醃五花肉，厚厚嘅三片$158 食落無乜酒味，但用酒醃完豬肉會特別淋，留意返佢地個燒烤爐唔係用明火，個人覺得用明火燒會好味d呢～PS：八爪魚石頭飯，唔係用一般黑色石窩上，個窩比一般石窩熱好多倍，但又唔會出煙，所以我唔小心辣一辣就起左水泡，痛死！！！餐廳拎左米芝蓮「推介」

在galaxy 玩樂後，自然要搵食啦。睇到呢間韓國野，之前在香港食過，所以就食呢間啦！午餐有套餐，幾抵食，九十幾都一百幾不等。一坐底就立即送上前菜，d前菜好入味，菇類好好食。叫左泡菜湯配飯，送上枱仲好滾下，個湯好好味，而且入面有好多配料，不論是咸度辣度都非常適中，撈飯更是一流，好正。最值得一讚的是服務員的服務真的是非常好，會自動過來加茶水，也會過來問是否o岩食，非常有禮。

生牛肉伴飯,可以話係我最愛既食物之一~~名家既出品仍舊不錯,大量蔬菜加上嫩滑既牛肉條,加上生雞蛋既化學作用,整個飯甜甜辣辣,好開胃!夏天食最爽.不過去名家,千萬唔好叫煎餅類食物,你一定會後悔的,睇個樣就知灰左啦.