影片
电话号码
+853 28786437
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
來自台灣台中的鰻魚飯專門店，記得初次發現係疫情期間，直至宜家先有機會試到。話明係專門店，當然主打做鰻魚飯，主要有兩款活鰻魚飯提供，分別是價錢稍貴的「大東屋—頂級鰻魚重飯3.5P」和較平的「尚盛鰻魚重飯2.5P」，另外仲有各自分大細兩種。當然有其他飯類、小食、串燒類供應。目前晚市walk in 依然要等大約20-30分鐘，進店有一般座枱位和吧台位置，吧台前面有開放式廚房比大家隔住玻璃睇住燒鰻魚過程，即叫即燒架！.是日餐點：鰻魚飯3.5P （小$108）鰻魚飯2.5P （小$88）烤鰻魚肝 ($38).一場來到一定必點鰻魚飯，為左想知兩款有咩不同之處，各點左一份細份。每款鰻魚飯用日式飯盒裝，同樣配蛋絲和紫菜絲，跟一碗味噌湯、三款小菜和山椒粉，肉眼可見不同之處只有鰻魚本體。貴啲個款鰻魚比較嫩身，肉質薄，烤到表面微焦脆又香口，確實比坊間其他店出品更好食。而較平個款會相對肉厚，較油膩，感覺差不多是平時食到的一樣。兩種鰻魚肉部分位置睇到有刺，雖然可以吞落肚，但有少少影響到口感。整體來講未到好驚艷，但是味道是不錯👌🏻。.鰻魚醬汁調得剛剛好，味道唔會太甜，撈飯一流。自己食落本身鰻魚醬汁不是太夠，飯會比較乾身，枱上面有枝鰻魚汁，覺得唔夠的話可以自行添加，建議店家可以係樽身標示清楚，如果唔係好奇都唔知係鰻魚汁。.平時鰻魚食得多，烤鰻魚肝真係第一次試，雖然有少許腥，但又烤得幾香口，可以一試無妨。
继续阅读
日本嘢，對香港人尼講就真係食到慣，不過，都依然佔一席位，久吾久就想食，今晚，我就係甘，疫情下留左响澳門大半年有多，近近地酒店，就來一個晚餐吧呢間店，難揾嘅，因為佢吾太近周边人來人往嘅購物點，甘啦，易講啲，紅窗門街行到盡頭，轉右行多1分鐘就到。甘大家尼到，去下紅窗門街影個相，又吾想食翅又吾想食澳門嘢的話，試下呢間囉。滑蛋牛丼ok啦我覺得，味都可以嘅，當然你想食得正宗啲，有，大把啦氹仔啲酒店，但當下尼到呢間，48元，有蛋香，又熱飯，洋蔥又甜，牛都過得去，我收貨囉，當然，挑骨頭位，係有嘅，吾係日本米囉又甘講，我一個人，食嘅嘢有限嘅，見今晚都坐滿，又望下隔離枱啲人叫左乜，燒青魚，賣相吾錯吖，串燒，足料wor，鰻魚丼，食到一粒飯都無，就甘睇，可以來多次，試埋其他wor。
继续阅读
您可能会有兴趣的...