影片
以上资料只供参考，请与餐厅确认详情
位於墨山街「巷仔冰室」係一間充滿東南亞特色冰室，好似有斑蘭椰漿飯、炒老鼠粉、喇沙等馬拉元素特色菜，餐單選擇都算多， 重點有加入榴槤元素的菠蘿油和紅豆冰🤩，下次要帶上榴槤愛好者朋友再戰！~~~~~~~~~~~~~~~~~~~~~~~~~海南燒雞 半隻 ($100)辣死綠貓 ($48)麻糬西多士 一份 ($30)熱手拉奶茶 ($13)~~~~~~~~~~~~~~~~~~~~~~~~~海南燒雞 （有半隻/ 原隻 選擇）有別於以往食到的口感，呢款海南雞皮脆內嫩，外皮香脆惹味，雞肉有肉汁，配上秘製辣醬和豉油，驚喜之作，值得一試😍。.辣死綠貓 其實真身是#斑蘭椰漿飯 ，旁邊圍住幾款配菜— 魚乾仔、雞蛋、青瓜、咖喱薯仔、咖喱雞以及酸菜絲等，綠色斑蘭飯微香，更值得一提咖喱雞肉質超嫩滑。將參巴醬撈飯微辣超下飯，食得辣的朋友，應該會鐘意，而且飯量十分足，兩人分享一飯半隻雞剛剛好。.麻糬西多士 （有半份/ 一份 選擇）外面等位時已經留意到，麻糬愛好者的我必點🤩。西多士內夾滿煙韌，灑上阿華田脆脆，口感好得意，記得唔好影咁耐相，趁熱食更正，下午茶配多杯奶茶嘆下啦！.#手拉奶茶 奶和茶比例剛好，味道有少少馬拉風情。_⭐️ 午飯時間不少人等位，記得入去拎籌仔先
继续阅读
您可能会有兴趣的...