愛素食

营业中

休息中

二訪愛素食氹仔分店。牛油果藜麥沙律 (MOP 85)牛油果軟殼蟹卷 (MOP 83/份)軟殼蟹用炸紫菜製成，卷物入面仲包有酸蘿蔔、青瓜、素肉，整體口感爽脆。吉祥福袋 (MOP 17/個，2個起)福袋嘅外皮香脆，好似春卷皮咁，入面包有馬蹄粒、松子仁、粟米等食材，味道清甜爽脆。附上嘅醬汁酸酸哋，質地較稀。旁邊嘅茶壺一直冒煙出黎，打卡一流。咖喱時蔬 配法包 (MOP 82)咖喱好惹味，微辣，送飯唔錯。配料有椰菜花、西蘭花、薯仔、彩椒、百頁豆腐等，薯仔煮得好綿。法包鬆軟香脆。楊枝金露 (MOP 35)火龍芭樂 (MOP 35)

氹仔分店唔可以訂位，只可walk-in攞位或用We chat掃QR code攞飛等位。我哋星期五晚去食全場滿座，好彩地方夠大，所以唔使等好耐。七彩卷沙律 (MOP$89)七彩卷係用紫菜包住甘筍、素火腿同青瓜，再拎去炸，所以外表香脆，入面有素肉嘅味道。其他配料有生嘅冰菜、沙律菜同車厘茄，沙律附有千島醬分開上以自行調味。我第1次食生嘅冰菜，口感比熟食更脆口，而且味道清甜，冇草青味。小酥肉海苔卷配叉燒 (MOP$88)小酥肉海苔卷入面包住薯蓉，好香黑松露味。素叉燒應該冇煎過，所以口感偏淋。六宮格波子壽司 (MOP$83)打卡之選，壽司用木盒上菜增添日式風味。壽司有香芒素三文魚卷、椰果壽司、牛油果卷、杏鮑菇卷、青瓜素吞拿魚卷、黃椒壽司。中間嘅波子壽司表面嘅白色半透明食材似係椰果，口感滑身帶有少少韌。老火湯 (MOP$88/ 中鍋 4-6人份量)