拉麵小路日式拉麵店

营业中

休息中

以前未食好想試，聽聞係日本師傅過黎開的，心郁郁！去左下環個間食，試左醬油同埋辛味拉麵，賣相一般，份量吾多得2片叉燒，但食落去幾有驚喜，湯底係幾稠的，另外仲有試過炒麵麵包同埋餃子都幾有驚喜！不過最近去番總覺得口味無以前甘好了～ 但不仿試下既，氹仔個間就5多岩自己口味！好似係用魚介的。

心血來潮很想食拉麵⋯⋯所以特意走來幫襯，蕃茄湯拉麵湯底依舊很濃，上次食的時候湯太鹹，不過今次鹹味岩岩好好少食拉麵會飮埋d湯的，不過佢個湯好濃太正了值得推薦的一家日式拉麵店。

拉麵小路大約位置係崗頂前地同紅窗門街之間, 位置都幾方便遊客, 但旅客點會特登去澳門食拉面丫, 所以通常係地道澳門人幫襯, 同普通日式拉面店一樣, 細細張MENU比人剔, 但就無一蘭豚王咁比人揀面既硬度同濃淡等, 呢日一個人行完崗頂圖書館之後去食, 點左個豚骨蕃茄拉面($63), 同埋秘製醬油半熟旦($8). 我比較鍾意食軟身少少既面, 於是上菜後一陣等佢浸軟D先食, 蕃茄味無想像中咁濃, 但都幾好味, 叉燒好多肥肉, 失望, 而隻蛋可能因為半熟, 所以無切開(我鄉下妹, 第一次食拉面無切蛋), 整體都OK, 行到肚餓都值得一試.

間鋪真係幾有特色,好細,得15,16個位,其中5~6個位係吧台,幾有日本feel既.(我地坐4人台後尾要搭台.)一張單落一碗面,自己畫既,有正常size同大size.大size貴8蚊,剩係多左麵配料唔會多既.叫左一個沾面同蕃茄豚骨拉麵.沾面有紫菜,叉燒,菠菜,洋蔥. 叉燒有陣微微既炭燒味,唔錯既,佢好在如果你覺得個湯太濃可以自己控制沾落湯到既時間.有分涼麵同熱既麵,涼麵要等多5~6分鐘,大熱天時我都係等左涼麵,係牆上面有教你點食尼個沾麵會比較正宗,我個人認為可以放左落個湯到去先再夾起身食,而唔係夾住佢黎沾,因為佢個湯碗唔係好深,如果夾住佢沾就會搞到上面果D冇咩味.蕃茄豚骨拉麵有菠菜,沖絲,叉燒((叉燒味道同沾都果D差唔多,應該只係切法唔同.)尼個我剩係試左兩啖,個湯係有蕃茄味,但硬係覺得佢有D公仔麵湯feel,唔知係咪我試唔真啦.果日去到咁岩有小食送,自家制豚肉.豬肉同椰菜絲係入面炸,奇怪既係出面個汁唔鹹,鹹既係入面D餡.真係好鹹.最後都冇食哂.尼間拉麵都唔錯既,小食就唔會再試,拉麵既話都會特登去試下其他款既.

下午去新八佰伴逛街 餓了就查到這家在網絡上號稱澳門最好吃的日本拉麵店 兜兜轉轉走進去 真是有種酒香不怕巷子深的感覺 門口的招牌不算特別明顯 但是別有一番和式風味店內目測只能容下不超過20位客人吧 怪不得網上的資料總是說她家要等30分鐘以上 真的很符合日式拉麵店的感覺 哈哈 畢竟 日本彈丸之地嘛由於去的時間較早6pm左右 店裡沒有人 呃 其實一個人吃拉麵是一件頗享受的事情 只是店內就一個客人吃 就有點尷尬了orz 桌上貼著下圖 可是很害怕不好吃 就沒敢嘗試 叫的這個（下圖）叉燒味噌拉麵 我看到有食評認為叉燒略肥 但個人覺得剛好 因為叉燒一共就兩片 省著點吃啊要 哈哈 湯頭略厚 而且好咸喔 但是日本人本來就是重口味 所以這個也就算了 可是略厚的感覺有點奇妙⋯ 說不上特別好也不是不好 拉麵本身非常Q 而且過水過的很乾淨 最驚喜的是那顆溏心滷蛋 下圖（≧∇≦） 滷蛋喔！溏心誒！ 是我沒見過市面嗎 但是真的很驚人誒！我會告訴你其實我想要的是普通的水煮溏心蛋嗎 只是沒有發現在哪裡tick而已orz 總體來說 這家其實還不錯啦 值得嘗試喔 anyway啦 因為美食的關係走了許多路 在巷子裏穿梭的感覺

澳門真係好少有呢D拉麵店,雖然同HK冇得比,但價錢合理,味道不錯,流心蛋好味,乂燒略肥,平時正宗拉麵有既荀絲就冇,不過有菜心,店舖位置離我家很遠,唔可以經常去,遺憾

一如既往日式拉麵店店舖小小的,得幾個座位好多人食,排左好耐隊,大約30分鐘吧,但啲人話好好食就即管排下 唔知係咪人太多,一上碗拉麵,紫菜已經林晒掛左係碗邊,湯底一般,拉麵的麵質過林,溏心蛋就做得唔錯,一口咬茖去充滿蛋香同好滑口,一食完即刻走,費事要人等咁耐.或者係澳門黎講佢已經算唔錯,但真係有啲失望...

趁住週末假期天, 同朋友二人一起去搵美食，今次決定食拉麵，係朋友GE推薦下去左拉麵小路食拉麵，去到剛好不用排隊 (**過了幾分鐘後, 看到後面排著10多人等位) 。地點: 拉麵小路位於新馬路美景大廈 (華橋報斜對面)拉麵小路是一間充滿日式風格的拉麵店, 由於枱不多，所以要搭台同街客一齊食，不過對面枱都好NICE, 邊食邊跟他們聊天。師傅都十分專心的在製作我們的麵呢我叫左個沾麵，沾麵整體不錯，麵爽口彈牙，配料新鮮，加上我最鐘意食GE糖心蛋，一口咬落去，半熟GE蛋黃香味溢滿口中，正!!~ 麵份量吾少，成人份量。另外再叫左個煎餃子，貌相還是蠻一般的, 但食落口, 又係另外一回事，餃子皮脆多汁, 建議大家趁熱食，凍左會好多油同埋會林。澳門拉麵店黎講, 拉麵小路我認為做得幾唔錯, 地點黎講, 我認為澳門人應該不難搵, 但對於遊客就會有點難找，注意一點就是，拉麵小路是逢星期二休息的，而且營業時間頗短(中午12:30至夜晚9點半), 值得一試。