新老地方美食

营业中

休息中

上次在澳食豬骨煲已是十幾年前的事，以前位於氹仔華寶花園的"七彩大排檔"亦巳搬遷，今次朋友話帶我去試下海鮮豬骨煲，朋友忘記訂位，星期五晚呀！晚7点半去到門口巳坐咗幾多人等位，眼見蝦、蟹同貝類都幾受歡迎被食客熱點中，結果走咗兩輪食客，等到9点我們入坐。我點咗豬骨煲，炒花甲，椒鹽肉排，椒鹽粟米，啤酒，豬骨有少許肉同軟骨，骨髓要用飲管吮吸，濃味胡椒湯帶甜味，可能等位等到有點餓，花甲上枱食清亦忘記影相，椒鹽肉排肉嫩可口，我最欣賞椒鹽粟米，粟米清甜同椒鹽咸香成強烈反差，粟口粒有咬口之餘亦有汁水。整體厨房出品不錯，舊舖陳舊地方淺窄，枱與枱靠近，如果你不計較環境裝修，這店飲食氣氛熱閙，不妨一試！

好多朋友都話來澳門一定要來食這一間,位置於關閘 的大排擋. 今次就左個大骨煲, 椒鹽蝦同 C 奄.骨煲料很多, 大大煲,筒骨都唔小, 3個人食 差D 食唔灑,味道很好.推介椒鹽蝦 ($68) 大大隻蝦新鮮 椒鹽 唔洗講都好食都冇朋友.C 奄 食得出好新鮮, 又大隻, 其他地方食到哥D 比較細, 又清很唔好.                                             澳門食也, 識揾就真係好抵, 4 個人先食左500 左右

係住向澳門嘅朋友極力推介，所以就黎試一試啦呢度環境裝潢比較舊，但通常舊店先有距一種獨特嘅風味！另外，佢同我講呢度除咗豬骨煲係馳名之外，海鮮類都好出色！豬骨鍋（大）-用左懷舊瓦鍋，豬骨亦都好多，同大大件！最最最最好味嘅係個湯底，胡椒超香濃！唯獨係偏鹹咗少少，但冬天食真係一流白灼大頭蝦-呢一樣都係我最喜愛之一，大頭蝦新鮮又鮮甜，最應該食嘅係頭入邊既膏啊！真係好甜店裏仲會附送埋辣椒豉油俾你沾豉椒炒花甲-花甲又係好大隻呀！海鮮類真係好新鮮椒鹽九肚魚-都係炸到脆卜卜，加上炸蒜頭好香口。總括來講，食物質素好加分！唯一缺點係呢度等位比較耐，位置比較迫，所以冬天黎會坐得比較辛苦。但係都係值得推介一去

睇到啲食評話好好食，所以去到澳門時就專登搵呢個地方啦，其實佢又唔係好難搵！不過因為本身唔係澳門人，可能睇佢哋啲門牌號碼，就唔係咁叻，所以都要用D時間至揾到，不過如果你問吓人都一定搵到！餐廳環境方面，都好舊同大陸嗰啲餐廳仔好似，枱與枱嘅空間好擠迫，同埋佢限時間兩個鐘頭一定要走！但係啲嘢又唔係咁好食，香港大把地方都好食過佢啦呢個豬骨煲都幾香嘅，不過都幾咸架清蒸奄仔好多膏，本身係想食鹽焗奄仔不過佢話無鹽喎餐牌係有架，我估佢係嫌麻煩所以唔想做過晒火，好老呢個通菜炒得最好味，係最值得來呢間餐廳食嘅原因

豬骨煲椒鹽粟米炒蜆營業時間去到成兩點，食消夜記得黎哩間喇✌🏽海鮮超新鮮及本地火味，服務姨姨親切有禮，喺咁忙嘅時間都會同你傾下計，問你味道如何飽唔飽，朋友點了3支飲品仲話佢飲太多😂😂充滿人情味及鮮味的一家火鍋店👍🏼👍🏼

本地人帶路，去到住宅區內小巷宵夜！12am左右去到,已經好肚餓，阿姐話等5-10mins，點知等咗成25mins！其實枱與枱之間無乜空間，坐得較迫！環境衛生亦一般。一坐底即刻點差不多每枱都店嘅骨煲！另外點咗蒸奄仔蟹、椒鹽屎蝦、豉椒花甲、仲有雜菜係放骨煲內食嘅！骨煲用大瓦煲上，份量都好足！先飲咗啖湯低試試，好香胡椒味，之後朋友推介骨要用飲管去吸啜，先有風味！真係好輕易就可放入去骨內，就吸到內裡精華！澳門出名食奄仔蟹，蟹膏都不算少，不需花巧，只係清蒸的確已經好鮮味！椒鹽屎蝦炒得好夠亁身，又入味！仲帶點豉油咸香味！好味！花甲未知係咪澳門出名，但都算大隻肥美，豉椒汁同香港口味有D分別，係帶小小甜嘅，不過都好野味！