影片
以上资料只供参考，请与餐厅确认详情
「土豆絲炒尖椒」起初見到這菜名時，以為係似川菜，用辣椒油炒，出到來係會又香又辣。結果卻係令人意外，成個餸除左尖椒同尖椒外，只有一片黃白色。原來係清炒版本的土豆絲炒尖椒。一入口食到的是爽脆，來自土豆絲的爽脆，其後來到的是尖椒味。除了鹽，沒有多餘的調味，充分展現出食物的原味，非常舒服。「餃子」因為人數關係，今次點左三款餃子，兩烚一煎。烚餃我們點左最經典的兩款——韮菜豬肉同白菜豬肉。同平時食慣的不同，他們的內餡菜肉比例係五五開，而一般北方水餃店係八二開，甚至全部都係菜。餡料五五比例雖然無其他水餃店來得香，但是肉味絕對比他們濃，溫和的韮菜香/椰菜甜過後，是徐徐而來的肉味，當中微微吃到有鹽外，沒有半點其他調料，感覺很舒服。「肉醬麵」肥老闆鍾意食撈麵，因為撈麵既有醬汁而味濃，同時兼具湯麵同炒麵之長，而最重點係通常等個麵撈完，個麵都已經唔熱，啱哂我地呢班肥佬！你懂的😏肥老闆揀左刀削麵。一上菜時肥老闆留意到的唔係麵唔係肉醬，而係旁邊的青瓜絲，條條大小一致，可見係訓練有素。再望望肉醬，除週邊紅紅綠綠的椒粒外，就是肉醬了。很好！這個「好」好在沒有加多餘食材（有些北方拌麵都會加入豆醬、豆乾等食材，肥老闆對此覺得很反感，這些多餘物嚴重破壞了整碗麵的平衡）。吃下去都只能用舒服來形容。微鹹的醬汁，伴隨著椒粒的香，這輕輕的調味，既帶來味道的享受，但又唔會加重味蕾的負擔。一啖又一啖，一切都只有——舒服。「兩吃雞」這兩吃雞的食就如同雞煲一樣。先係炒香炒熟的醬汁炒雞，吃到差不多就將濃濃的雞湯倒入，煮熟其後加入的金菇與粉絲。醬炒雞肉味道也是不重的，只係比肉醬麵再香濃一些，雞肉頗為嫩滑，唯略嫌雞肉切得太細。加入湯汁後，亦將金菇粉絲放入。粉絲是事先用湯先煮過，入味上色。湯汁雞肉味很濃，味道依然溫和舒服，縱然表面有一層頗厚的雞油，但卻是油而不膩。附上單據俾大家參考一下價格。#澳門 #美食 #北方風味 #松花湖水餃 #肉醬麵 #餃子 #兩吃雞 #土豆絲炒尖椒
继续阅读
和同事食飯，其中一個食素搵黎搵去，最後揀左松花湖呢間松花湖有兩層，我地星期日夜食下面個層剛好滿了，要上上面但環境下面舒服點，有一排開揚的窗，亦能睇到師傅係廚房整野食上面係全大枱，只得一位服務員招呼多食物方面：左：涼伴薯絲 右：涼伴茄子兩條都好好食涼伴窩筍味道偏淡 咸返小小會更好味東北大拉皮味道尚可 拉皮好有咬口 但完全唔辣木耳小炒肉每次黎都必叫 好好食肉奄得好入味 簡單配搭但味道一流是晚重點：水煮魚賣相好勁 底下火興住 唔怕會凍哂魚片好滑但比比較難夾 一夾就散味道可更辣 蒜蓉油脈菜雙拼餃子(白菜拼芹菜)雙拼素餃(冬菇雞蛋拼韮菜)食餃子一定要沾醬每枱都有一樽香菜蒜泥醬超好食松花湖價錢偏貴 但貴得黎每碟餸都好大碟所以人小黎比較難叫餸～但食物味道絕對好
继续阅读
喺金光綜藝館睇完演唱會11 點, 大家都有啲餓, 撘巴士出去搵食, 中途見到下午經過既餃子店未關門, 立即飛奔落車。 入到去問店員, 佢哋話凌晨5:30分關門, 咁我哋就可以安心食, 唔使食得咁急。呢度既店員全部都講普通話, 差啲以為自己真係喺大陸既餃子館, 不過價錢比起大陸就當然係貴好多啦。拉皮拍青瓜既醬汁味道啱啱好, 唔會太酸, 啲拉皮又好滑, 唔會好厚見個菜牌有京醬肉餅, 呢款嘢我之前喺大陸未見過, 於是叫黎試吓, 個樣好似豆沙窩餅咁, 個皮好鬆脆, 肉醬夠味, 又新鮮熱辣, 幾好味黎到餃子店梗係要食餃子啦, 太多選擇, 諗咗一輪最後決定食白菜豬肉餃, 佢哋係即叫即包既, 我哋個位咁啱係睇住啲廚師包餃子, 師傅既手勢好純熟, 好快手。 碟餃子都有成十四、五隻, 啲皮好軟滑, 唔厚身, 入面既料好夠味, 估唔到喺澳門都食到正宗餃子, 正! 炸醬麵食咗唔記得影相, 個賣相同肉醬麵差不多, 只係炸醬麵既醬濃啲同深色啲, 我哋揀咗刀削面底, 麵質軟滑。 呢個肉醬麵既味道無咁重, 不過都一樣咁好味, 加上鮮甜既青瓜中和, 食落唔會覺得太油膩。五花肉炒木耳用既係細細隻既秋耳, 加埋腌到好入味既肉片黎炒, 味道啱啱好, 又唔係炒得好油。呢度既物係好地道既山東菜, 估唔到可以喺澳門食到, 第二時應該會再黎食宵夜。
继续阅读
您可能会有兴趣的...