檸檬車露 (已結業)

🇲🇴LemonCello Gelato·雙味(西柚 檸檬車露) $40之後呢間又係上網見好多人推介嘅gelato舖頭 我地喺大三巴下面見到就買左黎試下😎我自己覺得佢其實唔係好似gelato 佢係似sorbet多啲既 所以我哋試食完覺得水果味襯啲😂😂如果當佢係sorbet佢其實都幾好食 尤其係佢個西柚好有驚喜 佢係真係好似食緊完個西柚咁 酸酸甜甜 好好食😋😋個檸檬車漏都唔錯嘅 都係好檸檬 不過我自己覺得冇西柚咁有驚喜🍋·📍新馬路主教巷6-A號地舖

米芝蓮餐盤推薦意大利式手工雪糕🍦氹仔官也街有分店，款式味道超過廿款，而我今次去既係澳門半島議事亭pop-up store，味道得十多款，不過排隊就好快可以選用杯裝或是甜筒裝，單味 MOP 30（限杯裝）、雙口味 MOP 40、三口味 MOP 55，個人就覺得甜筒冇特別好食，好似M記新地筒😂🔅金莎朱古力配檸檬車露｜MOP 40咁多款味可以先試食，檸檬車露係佢地招牌之一🍋口味清新酸甜，質感有點似雪葩，幾清爽解膩；金莎nuts唔太多，唔算太驚喜，同埋比較甜一點🤏🏻

上一次黎係去官也街分店今次去到大三巴附近見到新馬路開左分店仲發現有唔少新口味於是入去睇下店員好友善，又耐心介紹新口味，我地鍾意食比清新的水果口味，店員介紹我地試黑芒果，有清香芒果味，而且黑色亦有新鮮感於是試下另外一隻味試過檸檬車露、紅梅、番石榴、藍莓等等，最後我地叫左番石榴於是杯裝雙併，$35，試兩種味，份量都整杯滿，兩個人分享岩岩好呀！店鋪內有兩張高桌，方便放低雪糕慢慢食！仲會提供濕紙巾，方便客人食完抹手用！

朋友推介試左呢間有米之蓮既雪糕去到間野服務員都好熱情，又好搞笑介紹左好多隻味，亦都比我試食左好多味檸檬味、紅莓味，我同朋友都覺得太酸，利申我地本身都吾太鐘意食酸野既！其中一隻特別既黑芒果，都幾香芒果味，味道吾錯！最後都有買黎食下不過食完d牙黑左，要飲返d水沖走佢！！另外試左番石榴味，都幾fresh, 值得推介！幾好食！可以一試！！不過雪糕都幾快溶，食左一半都溶左好多，美中不足之處要立食，無得坐地方都細，好彩吾太多人