澳門大利來記豬扒包

营业中

休息中

澳門大利來記豬扒包屬老店，主打地道豬扒包。豬扒包出品微暖，包身輕脆鬆軟，豬扒略乾身，鬆軟感普通，索價 $48 一個實在太貴。另外，店員服務態度一般也有待改善。

第一次去澳門當然係跟大隊。聽朋友講澳門果間大利來記豬扒包好正，仲要認住係有個肥靚太做logo果間先好食。去到真係同傳說中一樣大排長龍.....因為都一段時間啦，唔記得係咪＄４５？還是＄４８？　不過我諗都差唔遠既。　價格你話貴又唔係貴既，不過豬扒的確幾大。肉都叫厚。不過價性比幾低下，比較其他無咁出名既豬扒包佢係起碼貴左成倍。男朋友食完都只係話無咩驚喜，原來都只係個普通包，哈哈！（題外話就係店入面只得企位，唔係咁舒服，個包又太大，唔可以快食，所以都係要企下架喇！服務態度都一般，店員面口都比較串嘴，同香港一樣啦！推薦就唔係咁推薦架喇，不過第一次都可以食下既，無下次囉！）

Learned a new word today...Tourist trap! As quoted by a popular reviewer, it is when "greedy business men take advantage of unwary tourists who do not know the city well." Never thought I'd experience it, but here we are. Let us explore why this place isn't as it promised.Now normally a pork chop bun shouldn't cost more than MOP $20-$35 , for this place to charge such gargantuan prices (MOP $53 for pork chop bun + milktea) can only mean one thing..it is delicious second to none in its speciality

黎澳門第二日第一站梗係去官也街早餐都未食既我地即刻去買個豬扒包($48)其實佢仲有個菠蘿豬扒包 不過先試原味吧呢間純做外賣 好多人排隊 好逼俾完錢就等嗌號碼 不過好彩都出得幾快由買到攞到手成個過程大概10分鐘左右啦法包睇住佢新鮮烘起攞上手都熱既 幾硬下 咬落都幾脆豬扒夠大塊 不過偏乾身 無乜肉汁整體偏瘦 不過好彩有骨位搭救塊豬扒如果可以厚身啲就perfect啦 名過於實 其實不外如是吧兩塊乾包夾住塊乾身薄豬扒 起不了化學作用食完無乜感覺48蚊 真係唔值

2016聖誕節澳門之旅官也街食不停，第一站去到呢度食早餐，地方大，無唸唔到無位坐，空框框，紙皮石地下，入內一個櫃檯，裝修簡單，食物價錢貴，大家落單等叫號碼，廚房好忙出菜！餐具全部即棄餐具，唔環保！淨魚蛋（$50）咖哩汁另上，灼魚蛋唔大粒，幾彈牙但淡味，咖哩汁濃味幾辣，沾到就好味啲！一般淨魷魚（$50）連衣細魷魚薄身彈牙爽口，淋上香辣咖哩汁好味！大家搶住食！豬扒包（$60）可以自己用店內嘅麵包刀切半，豬扒包唔夠熱，豬扒鬆軟，唔算肥美，法包外皮唔脆，麵包唔算鬆軟，水準一般！食物只係一般，價錢又貴，講真以佢嘅名氣我係失望嘅！而且價錢貴，又無位坐！因為自助式，店員只係落單同出菜嗰下叫號碼，接觸不多，態度正常！名氣大過食物！