澳門長洲糯米糍

营业中

休息中

同屋企人去澳門旅行，都係飲飲食食，我哋去咗官也街掃街，見到有間澳門長洲糯米糍，都多人排隊，本來都冇諗住試，因為長洲糯米糍就聽得多，澳門長洲糯米糍就未聽過😂，驚唔好食，點知阿女話要食，所以最終就買咗，叫咗一個芒果糯米糍同榴槤糯米糍 Mop20/個，糯米糍皮好薄，好好食，榴槤餡都好好食，芒果好大舊，唯一缺點就係個芒果唔夠甜，如果芒果甜埋就100分🤣🤣。糯米糍用紙巾包住，食完仲可以抺嘴😂，有下次有下次！