糖貴妃

营业中

休息中

去買外賣，比錯野食落錯單，仲要一開始已經問係唔係有芒果，佢話係，之後繼續企係收銀睇電話跳舞，落完單之後執好晒個外賣，發覺冇芒草，問佢，仲要西哂口面話我問題，話冇答過我有芒果，之後講到好似施捨比我咁，比反幾粒芒果我。另外叫個甜品，佢就比錯杯野飲我。之後仲黑哂面，攞走杯野飲，喺我面前送俾另外一個客人飲，話整多咗送俾佢飲，之後等佢整好完先個甜品，黑着塊面收返我兩蚊。個收銀全程喺度發夢。淨係喺度撳電話。嗰啲嘢食淨係擺喺度。叫我伸手去攞

食完拉麵再一直行見到間糖水舖——糖貴妃。見到佢個榴槤飄香唔貴$44又試下，我地加左$5珍珠。不過唔記得咗影相🙈，佢俾幾多榴槤蓉，入面有西米，寒天波波，啲材料幾好，唔係淋Pat Pat ，幾煙靭，珍珠都好味。如果你係新濠影匯會員有半價優惠卷可係WeChat 到拎，我夜晚無聊按手機先發現🙈蝕左！如果半價真係好抵，佢唔係細碗架，如果$2x食到真係超平！除左糖水，佢都有野飲同中式糖水，呢間糖水店好似都早關門，中午到傍晚食就穩陣啲