達榮魚翅湯面

营业中

休息中

完全唔掂檔,開頭去到見佢門口排晒隊,以為珍係有好嘢食,等我哋幾個過江人一食完豬扒飽,即刻返轉頭買個葡撻邊食邊等,一坐底就見到佢用兩塊大魚翅掛喺門口兩邊用嚟貼揮春,唔知以為好堅咁,點知炸魚翅球不知所謂,成個碟底啲油黑"Mon Mon"一睇就知係萬歲油,,係好熱,但唔係外脆內軟嗰種,仲要我地幾個睇暈都睇唔到有翅,另外個魚翅湯就更加唔想講,得兩舊唔知翅頭翅尾定疑似豬皮物體,湯底淡而無味,令我開始信唔過什麼名人嘅口,又或者佢地個口有問題

上次o黎澳門都有o黎食，覺得 OK原本今次想試潻發，不過見好多人都話潻發好唔得，所以最後都揀番o黎呢度食我們叫一人一碗魚翅麵 ($38)，再加半份有五粒的魚翅球 ($24)魚翅麵都有幾大塊魚翅，都有 2~3 大舊，又有 d 小小的又有金華火腿絲、芽菜湯底很清，喝了很多 魚翅球應該是即叫即炸的，遞上時還是熱辣辣的我覺得只係普通的炸鯪魚球，因為魚翅真的好少好少...配上泰式醬，都幾開胃o既~輡輡推介，雖則不是好好味，但也可試一試呢但好像同我上年o黎食，貴了一點...加了價後就覺得不太值呢...

魚翅撈飯大家聽得多，有冇想過到澳門來個魚翅湯麵作下午茶呢，來到氹仔達榮，先被門外一大梳魚翅所吸引，店內亦掛有明星到訪的照片，表面看來狀甚風光，實則裝修跟一般雲吞麵鋪無異。三十八元一碗的招牌魚翅湯麵，說便宜不是，唯魚翅的質素尚可接受，跟一般中式飲宴上嚐到的差不多，賣相一條條頗為粗身 (但又未至於一梳梳那麼豪邁)，味道合格有餘。問題反是麵條的質感太淋，實在沒什麼可取之處，如與祥記比較的話更是差之千里，即使加了爽口芽菜，湯底又以金華火腿絲淆製，對整體味道卻幫不了什麼忙。如果閒時想過下口癮，以魚翅邊潄潄口，達榮絕對可以滿足你的虛榮心，但說真的，金華火腿煮出來的湯底比平價翅來得吸引呢！

係幾個月前經過時見門口貼有滔滔相，而且門口有唔少人排隊就試下一試，第一次試還可以，因為當時點左一個魚翅湯飯加一個魚翅麵加一個魚餅時菜，當時個菜覺得幾貴..3x蚊一碟菜加上唔夠十塊既魚餅，不過見個碗入面一排排既翅時就覺得貴少少都冇所謂啦，當時拉上補下就覺得價錢還ok 的。今日諗住再同朋友去試時，竟然幾個月內再加價，加價速度其快。幾個月內由2蚊2蚊咁加上去不特止，舖內既檯檯凳凳油蠟蠟 ，我都算..反正人流多真係可能會忙少少.. ，自己就搵紙巾抹一抹..點知魚翅飯一入口..嘩..一排排好硬咬口既所謂翅，仲要有"渣"要吐骨的..食既差左唔在講..服務態度真係超唔掂 ，唔係人多或忙就可以態度差..係人都有脾氣，但唔等如可以向路人發出黎

08-12-161/14魚翅麵$35魚餅$14都係比外面滔滔張相引左入去,點知就出事個魚翅麵麻麻地,翅係邊皮嗰D,煎魚餅多油,又死實合共$49

去澳門既第三日去左氹仔，媽媽話好想試下魚翅湯麵。時間剛好係中午時段加上係聖誕正日，我地要係門外排隊等。幸好速度都幾快，等左十分鐘就入到去了。黎呢度當然食佢既招牌貨魚翅湯麵。除左配麵亦可配飯，愛食湯飯既我選擇了魚翅湯飯。我地亦點了一客十粒的魚翅球。魚翅湯飯好快整好。魚翅當然不是一梳梳的靚翅，只是一些翅邊，但都可以發現有少少一條條的翅的。食落的質感有些像食花膠似的，口感都幾好。不過就冇咩味道，所以只係試下就可以了。反而欣賞的係個魚翅湯，好香好濃既魚翅味，好岩用來做湯飯。所以個人認為配飯會比麵更好，可以飲埋喲湯。魚翅球新鮮即炸，脆卜卜同彈牙，配埋酸辣醬就更惹味。魚翅球內的確有一團白色的野，但食不出佢有冇魚翅存在。總括味道一般，但只是試過便算。三十多元當然不會預期有一梳梳翅，但價錢都算合理。只是認為魚翅球不太值四十多元。

同男朋友去左澳門，見到旅遊書介紹呢度食翅麵，黎到澳門無理由唔食翅，就食下...入到去，叫左個魚翅湯麵 同 魚翅球魚翅湯麵 黎到 真係同d介紹唔同...同食神食個張相更加唔同....哈哈唔覺得係翅...應該係翅既膠位.....近排睇番報紙講呢d叫下檔翅...唔會有翅針不過老實講佢d湯係幾好飲...好香翅味...都ok架...30幾蚊 算係咁啦...另外個魚翅球幾香口幾脆架，不過我食唔到有翅係入面，所以覺得貴左d...$25五粒抱住試下既心都ok啦

到了這家阿食神韜韜吃過都大讚的達榮魚翅湯麵吃魚翅撈飯。魚翅撈飯點都試下，另外點了一個魚翅湯麵和一碗魚翅淨湯。這碗東西賣 MOP 32 我覺得還給佢！幾條芽菜什翅就說自己是真材實料，我情願吃 $10 碗的假翅做的碗仔翅囉！這魚翅撈飯還可以，但絕對不能夠用個好字！還點了香脆魚翅球，說是鯪魚球混了魚翅做的，但我丁點魚翅都吃不到。這碟還膽敢賣 MOP 20得過幾粒，好過分！服務一般，完全沒有興趣再來。

朋友仔話一定要試下呢個魚翅撈飯...純粹想試下咩味...又有d 飽飽地~~~咁我地就選擇左外賣~~~唔駛係堂食淨叫一個飯....好似無幫襯又霸住個地方就唔係咁好啦....外賣...係飯同湯分開架....個白飯上面有d 芽菜同金華火腿絲咁~~~~個湯就有幾條魚翅裙邊咁....飲左一啖湯試下味先~~~普普通通ge 味道....都ok 好飲ge~~再咬一啖魚翅...係有d 膠質咁樣~~~有少少黏黏咁....但係都爽口 ge....用個湯撈飯就好似平時d 湯飯咁....個人覺得個湯唔算好特別~~~用o黎撈飯都係普普通通....個人覺得唔係話非食不可....不過可以試下架~~~

係賭場贏左錢就去左達榮食魚翅湯飯!不過係38碗,再叫左炸魚翅球。講真所謂魚翅只不過是"魚唇",不過38又想要求d咩呢?!叫左野食冇耐先發覺原來魚翅球係有半碟(一碟十粒)(餐牌是沒有寫的!!),同佢講話想轉,佢睇都唔睇下廚房就話"炸左囉"。好!我忍你,埋單既時候餐牌魚翅球明明寫住41蚊,佢居然收我地43蚊,佢仲好寸咁話"餐牌未改o者,其他地方就改左"。咁點解其他乎方改左,餐牌又唔改呢?!即係張餐牌係廢既!2蚊都要呃人,小家到暈。講番野食,魚翅湯飯味道幾好,只要唔諗住真係比翅你食。魚翅球幾好食可以一試。鋪頭一出名態度就自然差......如果真係想平食魚翅可以去福隆新街,有好多選擇。

我們二人到氹仔遊玩, 中午的時侯便去試一試, 叫了魚翅麵($35), 魚餅麵($18)及 半份魚翅球, 價錢都不平, 因為很細碗 , 前者不過不失, 全是裙邊, 後者不錯, 不過湯 幾油, 炸球不錯, 似是鯪魚球, 加泰式辣 醬, 很惹味.我們走的時候差不多滿座, 生意很好, 相信 不少, 因每枱 都叫招牌麵! 旅遊書廣告效應

又係旅遊書介紹慕名而來，同女朋友因為先前已經食左少少野，兩個人叫左一個淨魚翅湯，另外見到介紹$25五粒魚翅鯪魚球個魚翅湯好香，好好飲，D魚翅就膠膠地，好似翅頭翅尾，骨膠多過翅。倒是那五粒魚翅球，好味非常。女朋友話平時佢唔鐘意食鯪魚，係呢個魚翅球就炸到冇左佢唔鐘意食既味道，混入一粒粒魚翅粒，咬落好彈牙。而且即叫即炸，熱辣辣好有誠意。

店內的招牌麵 - 魚翅麵．初嘗聞湯底幾香，但入口後濃郁欠奉，但亦有少許黏口的感覺，翅方面，當然唔係什麼大群翅，金勾翅等等，不竟只賣三十元一碗的價格，要求太高的話變得吹毛求疵．大概係翅邊帶軟骨貨色，本著好奇心一試亦無妨．

朋友話帶我去吃魚翅撈飯, 姑且一試, 味道可以啦, 湯係有鮮味, 不過唔係真的魚翅撈飯, 係翅骨啫, 不過$35話比翅你, 你都驚啦! 有人喜歡, 有人唔鍾意, 都要視乎個人口味!

呢個食評係2個月前ga lei..依家咁岩經過就寫lao個日一早去澳門食完早餐去到三點先黎到..諗住去官也街搵野食.. 見旅遊書有介紹, 男友又想食就入左去...呢個時間都無咩人..叫左個魚翅麫and 魚翅鯪魚球... 再加多個豬扒包前2者ok.. 鯪魚球香口不過唔突出.. 豬扒包包脆不過mama 地好味我估福隆新街的添發食翅會好味d~不過我無幸試...