影片
电话号码
+853 28576621
营业时间
今日营业
12:00 - 01:00
星期一至四
12:00 - 00:00
星期五至六
12:00 - 01:00
星期日
12:00 - 00:00
以上资料只供参考，请与餐厅确认详情
雖然有2層，但空間只能容納十多人，所以如果有一大班人，基本上可以包場。頭盤：芝士、火腿，跟餐前酒一流，一邊等人齊一邊吃小食，火腿不是死鹹，啱我口味。小食：炸雞薯條，雞只有簡單調味，但入味有汁，唔會乾，薯條就一般，因為幼薯條不嬲都冇乜期望。小食：鐵板牛柳，上枱好震撼，因為鐵板熱力足，牛柳油脂多，滋咗好耐但唔會令到牛柳過老，不過如果坐附近就小心被油彈到。小食：炸薯片，自家製，因為比較厚，摸上手較油，而且好易過氣唔脆，建議盡快食。主菜：八爪魚，澳門好多西式餐廳都有賣，但係次次食嘅感覺都唔一樣，如果撇除正唔正宗，呢個八爪魚係食過嘅最惗，但冇八爪魚味。主菜：魚柳，好鹹，但佢唔係馬介休鹹魚，師傅落鹽重手咗。主菜：芝士pizza，好味，就算凍咗都唔會騷。主菜：蒜蓉意粉，意粉煮耐咗，冇咗彈性，但個汁係好味，雖然會膩，分享食都ok。
继续阅读
BELLA是一棟樓高四層獨立出來的餐廳，最令我動心的是露天天台座位❤️，當晚特別幸運walk in安排到天台邊位置，睇到舊城小區街道，枱頭望到夜景，天氣未熱時，吹過既風幾舒服，有興趣的大家記得要提早打電話預約定！.是日餐點：Risotto Saffron ($220)Parma Ham Melon ($58)Chef’s Tiramisu ($60)Budweiser ($40)Ice Fruit Tea ($50).餐包免費提供，配搭兩款醬汁是olive oil mix vinegar同沙律醬，麵包有點偏硬。.波波型蜜瓜配埋Ham，方便一口一啖，兩個口感，兩種味道融埋一齊。.Risotto 口感同味道恰到好處，飯粒索到入味，黑毛豬香口又易咬，熱食肉質更佳，推薦大家試呢款。.甜品叫了招牌Tiramisu，認證真的好味，入口不會過甜，有一絲苦苦咖啡味，融化入口到感覺係舒服😌。.整體而言味道同環境不錯，服務員相當nice，然而氣氛係最優秀，非常適合同情侶或朋友聚會，摸住酒杯底，望住個靚景，傾番三四個鐘係基本啦！_⭐️ 需加一服務費⭐️ 建議準備蚊拍水
继续阅读
好多年冇去澳門，真係變左好多，今日同朋友搭船去澳門，到步後緊係去醫肚先，氹仔出名多野食，又集合左好多唔同世界各地既美食，行過見到間幾有格調既餐廳，餐廳位於天台仲有埋露台，當然同朋友入去一探究竟，上到去職員好貼心，見我地望住窗口位，已經主動邀請我地去窗口位，嗰日天氣好舒服，仲要望住個靓景食，真係好有風味，食物都變得不同層次。我地叫左幾樣野食1,前菜煙三文魚，仲有2杯香檳送。2,"黑毛豬意大利飯",佢個口感好特別同我地平時食開既好唔同，好creamy,加上好嫩滑既燒黑毛豬，令食物進入到另一層次。3,三文魚+三文魚薯蓉:個薯蓉竟然有三文魚既香味，而且三文魚扒好厚，但一d都唔鞋，仲好滑，盡顯廚師既功架。4,露筍:好新鮮，食材雖然簡單，但廚師一d都唔簡單，同我係香港食既唔一樣，真係好似同我之前去意大利食既一模一樣。5.Tiramisu: 層次分明，唔會太重酒味
继续阅读
Bella taipa 官也街周邊好多美食有土生葡國菜,正宗葡國菜也有多國菜今次介紹既係一間特色意大利餐廳 店內提供各種特色酒水邊喝邊細嚐菜式滋味 先來一客沙律清淡既魚肉鮮味紅蘿蔔絲切成條形,經過調味酸中帶香,與想像有不一樣的味道很有驚喜的前菜酸香清新開胃帶起返食慾 脆口既無餡料薄餅伴前菜 火腿,芝士番茄片厚切多汁番茄片加上意大利火腿,芝士,香草,欖油作調味完美演繹出前菜的精髓簡單不花巧,味道清新開胃三者互相配合,味道出色 招牌番茄火腿手工薄餅薄身手工批底抹上濃郁既番茄醬汁放滿巴馬火腿味濃而不膩一個人吃了3大片呢!香脆口感,濃郁咸香既火腿令味道好豐富 焗煙三文魚芝士手工批同樣薄底批抹上醬汁放滿煙三文魚味道比起另一款更濃更咸重口味之選,因為煙三文魚焗過味道更濃縮 芝士意大利雲吞手工制作的意大利餃食到肉餡與芝士口感柔滑層次豐富,推薦之選 番茄芝士焗粒形意粉放滿醬汁與芝士焗香放入口中才知道是粒狀既意粉質感軟綿,吸滿了濃郁醬汁香味味道亦算吸引有質感 鐵板上菜原來放著一片牛排份量十足五成熟medium 鐵板會一直保溫,食得慢會變成七成熟但肉汁仍非常豐富 調味不花巧只有鹽,黑椒 肉質細緻嫩滑牛肉味濃香烤得恰度好處而且色澤均勻最後的最後當然就是甜品時間了Tiramisù 意大利傳統甜品但經過主廚變化味道更特別更為精緻小巧酒味濃,夠香甜
继续阅读
您可能会有兴趣的...