Goat Bakers

营业中

休息中

每日12點出爐，賣晒就無。擔心排唔到/唔想排隊嘅不妨好似我地咁用apps 預訂。✨奶酷花杯子 $38 成個拳頭咁大！份量十足！唔知係咪預訂左唔係新鮮岀爐即食，外層唔算好脆，得底底有啲脆，但都食得岀牛油香。反而帶到返香港第二朝焗熱返就好脆，十足牛角包，層次感同牛油香都好突出內餡軟滑帶乳酪微酸，而唔係蛋香路線，個人唔太鍾意。想試嘅記得同朋友share！自己清一個應該幾漏幾飽下✨彩虹羊角 $42睇落色彩繽紛，不過唔同顏色味道都係一樣。放左幾個鐘依然保持到鬆脆，不過層次感同牛油香就無花杯子咁突岀。入面滿滿吉士醬，味道有啲似奶黃，質地唔太滑，普通~⚠️真人實測用澳覓App預訂，11:30am落單，除左芝士條無得訂，大部分口味都有。要揀埋自取嘅時間，另收$4包裝膠袋費。大家最好先係香港註冊做會員(需要電話認證) 可以用銀聯卡 / 信用卡 / 支付寶 / 微信 比錢，而信用卡需要one time password。我地就用左係香港嘅屋企人張信用卡同電話預訂，咁就可以唔洗擔心收唔到香港SMS OTP，前提係佢要即刻覆你

識食嘅朋友都知道去澳門一定會去依間Goat Bakers，你喺OpenRice度搵澳門有咩好嘢食？依家咁出名嘅餅店都會排第一位，究竟係咪真係咁好食呢？我純粹順路行過，上網睇好多人講，就算你等到開門嘅時候買，奶酪花杯子都係凍嘅，而且未必買得到，真係真係好多人買，好大機會要再排隊，所以我一直都冇諗過去。甘啱我喺香港黑色暴雨第二日過去澳門，澳門真係冇乜人嘅當時，咁我見路過就買一個嚟試吓，入到去，有一位食客order緊，想買晒剩低嘅三件，職員回覆，每人最多只可以買兩個‼️就係咁，我好好彩地買到最後一個，之後其他食客嚟到，都係要再等啦😮‍💨講返件奶酪花杯子先，一件就MOP38，大概$36港幣，我覺得都算值嘅！首先佢個酥皮真係好厚好脆，雞蛋亦都好足料，完全冇凹陷落去嘅情況。一啖咬落去係未必咬到底，都幾大嚿，兩個人食完真係好飽，所以如果以依個價錢可以兩個人食嘅話，喺香港一定食唔到😂雖然佢名氣好大，但係我覺得都值得一試嘅，如果有興趣嘅朋友仔都可以去試吓！

。O小姐。即興馬交遊。日常。食完早餐， 食午餐之前要去朝聖！ 朋友話一定要去幫襯呢一間餅店，好多人去，開門之前就要去排定隊😳果然！我地11點幾去到已經有人排緊隊！！係風扇既協助下，我地終於捱到開鋪！ 大熱天時下，一定要要有消暑神器！終於輪到我哋喇，呢間鋪係冇堂食嘅，所以一定係外賣，到我哋嘅時候，我哋睇咗好耐，花多眼亂，不過由於我哋要食幾餐，所以目標為本！我哋先分別買咗要帶返香港嘅份量先，之後我哋再買咗一個奶酪花杯子加抹茶花杯子即場試吓，睇吓係咪真係網上面嘅人講到咁好食先得！當我哋買完出嚟嘅時候，出面條隊已經開始轉彎啦，所以都係嗰句，早起嘅鳥兒有蟲食🫢講吓食後感先，口感真係好好，個皮係好酥皮！好脆！ 咬落去好鬆化！ 個餡係好滑嘅，有乳酪喺入面嘅，唔太甜，有少少鹹！食落去個感覺係甜甜地得來又鹹鹹地，同埋個重點係都好大個！（當然價錢都貴啲啦）至於抹茶味花杯子，都係好抹茶味，食落去嘅時候又唔會覺得太甜、有茶味！值得唔太鍾意甜嘅人去埋呢一個落嚟食，真係唔怪得知佢咁多人排隊去買！總括而言，值得去試，如果多人嘅話，可以買多幾款，早啲去唔使等甘耐/排完隊冇得食🫢後記，我哋買返去嘅手信，用返喺氣炸鍋再返

滿心歡喜一朝早就同友人嚟排隊，未開門已經有10幾個人排緊隊🥹終於等到12點入去，買咗芝士條、原味牛角包、奶酪花杯子。芝士條一啲芝士味都冇得個甜字🥲 芝士條味道好似一啲廉價芝士粉溝cream嘅味道 重點係！！！而且一開門就入去買唔明白點解啲包都係凍嘅😂😂😂原味牛角包同埋奶酪花杯子都好普通😂原味牛角包係周圍都食到嘅味道同埋口感🥶CP值唔值得晨早流流要排隊買囉😂😂 而且質素都對唔住個價錢買咗兩杯嘢飲，仲要漏單，喺出面等咗10幾分鐘，但係杯青蘋果咖啡ToNick都幾好飲幾fresh 奉勸大家唔使專登過嚟買😂

數月前曾到澳門一遊，到訪這間澳門人氣爆紅的西式麵包店，打算一試它的招牌「奶酪花杯子」（$38）或其他出品，可惜自己做得功課不夠，一番尋覓，來到這間不在遊客旺區的麵包店時，店內的各款不同口味「花杯子」已悉數賣光，無奈下只好乘興而去，敗興而返。近日再次到訪濠江，這次做足功課，特別在它中午12時開門營業前預早15分鐘來到，皇天不負有心人，終於可以買到它的招牌出品「奶酪花杯子」。雖然難得來到澳門，而且還是第一次來到幫襯，不過這天我與太太一早已經吃過澳門必吃之一的豬扒包做早餐，稍後又有另一家澳門名店想去吃午餐，所以我倆只是一人一個 「奶酪花杯子」，購買後便隨即在附近的街上站著享用它。這招牌「奶酪花杯子」確是好吃的，盛載香甜軟滑奶酪的花杯子本身相當酥脆，帶點微焦，奶酪亦份量十足，稍一不慎，便會傾瀉而出。以甜點來說，這「奶酪花杯子」絕對是稱職美味之作，唯一的缺點只是它應該是新鮮出爐的吧，但就不算一百分的熱燙，而只是暖暖的，莫非是店主人怕買外賣的客人如果想即食的話會燙嘴嗎？其實這小店的飲品，無論咖啡或特飲都是挺吸引的，當中的「青檸咖啡梳打」（$34）、「青蘋果咖啡湯力」（$32）、「奶油黑啤咖啡」（$

必試人氣花杯子，今日試左2個味（抹茶+奶酪）奶酪味道就好似葡撻+酸奶，酸酸甜甜咁，抹茶味道好濃，去到中間流心位就略略甜左少少，不過不影響，成個花杯子做得好脆，呢個價錢值得一試👍🏻攻略/溫馨提示： 建議大家早15-25分鐘係門外排隊（排隊時唔好阻住人地門口出入，自律一點）今日見太多人諗住自己排隊就大曬，阻住居民出出入入，同埋影相唔好阻住啲車！！

GOAT BAKERS📍 高士德永聯台52號永聯大廈地舖闊別澳門三年，原來已經開咗好多高質餐廳，賣唔同種類嘅美食！呢排見得最多嘅，應該係呢間餅店嘅羊角，無論係香港定係澳門嘅foodies都爭相介紹！嚟都培正附近，當然要去趁下墟啦！呢日我哋去到一個人都無，望入舖頭只係賣剩一款羊角，到我哋買完之後直頭閂門添，真係不得不佩服佢嘅人氣！老闆話俾我哋聽，佢哋只要賣晒就會閂門，所以食唔食到就真係睇吓好唔好彩啦！ 💰$36芝士腸脆皮羊角 🥐Cheese Sausage Croissant 雖然呢一款芝士腸脆皮羊角唔係我一心諗住叫嘅款式，但既然行到身上身汗咁上嚟，就梗係要買返兩個先走啦。因為外面天氣真係好熱，所以我哋買咗返酒店食，夜晚做宵夜真係好邪惡啊！講一講佢嘅脆皮羊角先，酥皮做得非常鬆脆，亦都好有空氣感，咬落唔會成啖油，聽聞係用法國牛油整嘅，的確係好高質嘅酥皮！香腸嘅兩頭雖然烤焗得有啲燶，但香腸味好濃郁，有淡淡煙燻香味。雖然賣相其實睇落似一般嘅腸仔包，但無論腸仔定係酥皮都俾想像中好食，希望下次嚟可以食到招牌嘅花杯子啦！

終於食到，之前見要排長龍，周六落雨，反而少人，襯一開門不久就去買，避開人流，所以好快買到。店子細細，但有多款麵包，選擇都幾多，揀左人氣大熱的花杯子，但發現芝士條更加好味。最好味係芝士條，咸香芝士味濃，酥脆油香。$28，抵食。奶酪花杯子，都好味，個餡好似燉蛋咁又香滑又甜，麵包酥脆鬆軟。$40都ok。玫瑰花杯子，有玫瑰花味，麵包一樣係好，但餡好水好液體，即買即食，個餡仲要出哂泡泡，好似水咁流出黎，勁失望好難食，$40就唔抵。

澳門·食·食·食 近期係澳門好hit 既一間小店。佢哋開十二點，但係聽聞佢哋每日一/兩個鐘賣晒就閂門。為免撲空，我哋星期六十一點八倒就到咗，目測已經有大概七/八個人係前面排隊。終於十二點搭一就已經買到。試咗佢哋signature既奶酪花杯子 Flower Cheese Cup 同開心果莎翁羊角。奶酪花杯子既流心奶酪好香，加埋個脆脆嘅千層皮👍🏻👍🏻。開心果莎翁羊角仲正，開心果醬超濃超滑。但係記住啲個要冷藏，所以買完仲好即刻享用😊

📍Goat Bakers Macau佢係一間澳門好出名嘅舖頭，專賣羊角酥，類似牛角酥。佢有好多唔同嘅口味，原味，抹茶，玫瑰，芝士之類。基本上如果三點後去到都買唔到，建議喺佢開門嗰陣時就去，平時去到都要等大概10個人，仲要大家一次過都買幾多。個人建議即刻食，拎到返去係會爆漿，但個皮已經唔脆。Mop $38奶酪羊角酥多醬，有濃濃嘅芝士香，出面既酥皮超級脆。一個份量都幾大，建議大家可以幾個人買幾個味去share。大家記得小心啲，如果唔係會食到好多碎。味道 4/5環境 3/5服務 3/5衛生 4/5抵食 4/5

第一樣最推介既係最近好出名既Goat Bakers!! 每日12:00 出爐至售完即止😍當日11:45左右去到排隊,大概等左30-45分鐘. 而復活節假之後,用APP落單已經唔work了😢😢必食既當然係奶酪花杯子同沙翁羊角. ‣ 開心果沙翁羊角 ❣❣❣必試.個人來講覺得佢既羊角同牛角包其實試唔多,但一掰佢既開心果醬多到滿瀉!‣ 奶酪花杯子❣三隻味都試哂,個人最鍾意係抹茶味, 抹茶係exactly小山園抹茶味,甘香濃郁玫瑰味非常香,鍾意花香既必試.直頭好似香水味咁(無誇大😂)原味係吉士,相比之下無咁特出‣ 岩燒芝士條❣❣ 芝士味超濃厚,食落少少膩但都係不能錯過

話說早排🐻同老公去左澳門玩左三日兩夜 😃 編排行程一定要搵唔同出名既好西試吓 😌 第一日過去澳門本身諗住搵間舊式冰室食野，但醒起附近有間今年新開既人氣甜點店，所以襯佢12:00就快開賣時就去排隊買 😍 等待時間都耐，又見前面既人幾盒幾盒咁買，都怕食唔到 🥹 ⁡🐻の試食‼️✨ 奶酪花杯子 $38✨ 抹茶花杯子 $40⁡成功買到一刻，🐻同老公決定係店外即食🤣 Size都幾大個，本身以為佢係會暖暖地，點知原來唔係 🥲 食第一口感覺個皮係好酥脆，而裡面滿滿既奶酪就比想像中流心 😳 食一口就好易漏曬奶酪出來，真係會比較輪盡 🥶 另外既抹茶味係幾濃郁，帶少少茶苦味 🍵 不過🐻同老公都覺得整體唔算好有驚喜，大家真係去試可能等唔洗排咁耐先買來試試🧁

【原味奶酪花杯子/綠茶奶酪花杯子/奶酪芝士條】⭐️⭐️⭐️這趟旅程的另一個重點之一。之前在IG已看過巨量打卡和介紹，第一日到店的時候，花杯子已經全部售罄，只好第二日早一點到達。當日開店前排隊人數超過20人，可見網絡帶來的宣傳威力。奶酪花杯子，其實就是以忌廉芝士作為基底，外層以類似牛角包的酥皮杯子包圍著，忌廉芝士味濃郁，份量亦比想像中多，女生的話，一個足以飽足半日😂綠茶奶酪花杯子味道甚濃，若果要二選一的話，綠茶味可能更勝一籌！奶酪芝士條跟花杯子味道其實相約，不過芝士味更為突出。要留意店家的產品每日供應量有限，不想摸門釘的話，就要預早排隊了。

聽講呢間餅店星期六日開1-2個鐘就賣晒 ‼️我哋今次好好彩，星期五黎排咗15分鐘就成功買到🥰🍽️奶酪花杯子 mop$38開頭望個樣以為係加咗有芝士餡料嘅葡撻，但食落發現完全係另一回事。外皮係類似牛角包質地，非常酥脆，超級多層🤤中間質感有啲似布甸麵包，但偏固體少少。有芝士嘅鹹味都有少少乳酪嘅酸，頂層亦都有焦糖嘅甜😋雖然都有啲膩，但大肚腩好鍾意呢個味道🥰🍽️岩燒芝士條 mop$28份量比花杯子細啲。同樣係酥脆嘅外皮，中間餡料會再鹹啲，有好香嘅芝士味🤤相比起奶酪花杯子，因為條狀，中間又無好咁流心，更加易進食🤣🙈味道😋 9/10性價比💰 9/10環境🔎 8/10服務🫶🏻 7/10打卡指數📸 9/10٩(˃̶͈̀௰˂̶͈́)و 推薦指數🥰 8.5/10

店名: Goat Baker地址: 澳門永聯台46號環境: 外賣價錢:3.5/5味道: 4/5佢地12點開門，一點去到已經得翻1x個花杯子，遲5分鐘去到都已經無得食😢好彩趕到去買，但整體感覺有啲overrate，排15分鐘嘅話可以，排半個鐘以上就覺得未必值得了原味奶酪花杯子❤️❤️❤️❤️MOP$38望落似蛋撻，但其實係羊角包裝住流心芝士醬，食個陣微熱，令芝士仲係有爆漿流心嘅效果，值得一讚👍🏻芝士漿好濃芝士味，而且帶有少少酸嘅乳酪味，食落唔會太甜🤩沙翁羊角 開心果味❤️❤️❤️MOP$45表面充滿住砂糖同開心果碎，一咬落去入面綠色開心果醬爆哂出黎😗開心果味係有，但就唔太濃郁，亦偏甜😢#stitchfoodie澳門#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #澳門美食 #澳門 #澳門掃街