影片
黎到澳门，其实除左澳门半岛、氹仔同路氹外，仲有路环同黑沙环可以去，不过好多时如果唔系渣车的话，过去都比较困难。好彩的系岩岩系11月1日澳门轻轨开左石排湾线，咁就相对容易左去区了。今次就同大家介绍下 Jam & Butter。<草苺米纸卷>呢个配搭几新鲜，好少试加上水果的米纸卷，但味道又几清新，甜甜地加上香茅同埋泰式酸酱几开胃。<贝果+开心果奶酪酱>一上枱就热辣辣，有时候最惊贝果食落去好硬，但呢度硬度适中，最有特色就系开心果酱，份量超多到爆酱外，开心果酱真材实料，好重Nutty的味道。由于系Cream Cheese，所以会外加酸甜的味道，唔会只系得死甜的效果。<香烤慢煮M9和牛扒伴烧汁配意大利粉>和牛扒估唔到有两大块，由于慢煮过的关系，所以食落去都几腍。和牛最重油分，所以一定要煎香先可以食到牛油的香味。烧汁整得都唔错，配合和牛同意粉，味道就相对Balance。<朱古力咖啡 Mocha>Mocha淡淡朱古力味，唔人抢左本身咖啡的味道，咖啡豆质素都唔错，咖啡的味道系口腔都维持左一阵。
继续阅读