影片
港铁尖沙咀/尖東站 P2 出口, 步行约2分钟
继续阅读
电话号码
27213600
开饭介绍
位於海傍的泰越酒吧餐厅，天花布满波波灯，配上开放式酒吧区，富有异国风情。餐厅的招牌Pho Bo，以慢煮24小时牛肉高汤搭配烤牛骨髓，令人回味。
继续阅读
营业时间
今日营业
12:00 - 02:00
星期一至四
12:00 - 01:00
星期五至六
12:00 - 02:00
星期日
12:00 - 01:00
以上资料只供参考，请与餐厅确认详情
有关餐厅
有关奖赏计划
Grilled NY Striploin 烤西冷牛扒 300g $298西冷牛扒5成熟好大份，外層烤到香脆，牛味濃，有兩款醬：越南香草醬好草青味，鯷魚菠蘿汁好惹味比較鐘意！Pho Bo Wagyu $168慢煮二十四小時牛肉高湯、胸腩、西冷牛扒河粉Add on Roasted Bone Marrow烤牛骨髓 $75果然經過24小時慢煮過嘅湯底好濃牛肉味，河粉煙煙韌韌好有咬口！牛骨髓入口即溶，好美味！牛魔王一定愛上！DIY $78生菜、菠蘿、青瓜、醃青木瓜蘿蔔絲、越南甜辣醬、米紙🥗自由配搭配菜嘅米紙卷，配料有好多種蔬菜，感覺好健康零負擔，基本上每一種配菜都會捲埋一齊食，沾上越南甜辣醬紫米卷就會腍，越南嘅甜辣醬比泰式嘅甜辣醬更辣，怕辣嘅朋友仔點少少已經可以好惹味👍🏻Morning Glory 蒜頭辣椒炒通菜 $58東南亞炒通菜系同泰式通菜唔一樣嘅味道～可以一試Durian sticky rice and coconut sundae $118榴槤糯米飯及椰子雪糕🍦‼️必食item賣相好靚嘅新地雪糕，分開椰子雪糕球同埋榴槤雪糕球，聞嘅時候係唔會聞到有榴槤味，食落口雪糕好滑同埋好濃榴槤味，咦咁糯米飯喺邊呀？原來食完兩個雪糕球之後新地杯中間就係糯米飯啦！唔怪得知職員俾咗兩隻碟我哋食新地啦！原來係俾我哋兩個杯出嚟雪糕同埋糯米飯一齊食㗎！我哋食完雪糕先發覺有糯米飯🤣Fresh coconut $88新鮮嘅椰子🥥水，啱晒食完肉類解解渴，特別fresh呀！🫶🏻
继续阅读
一直bookmark 左呢間係尖東的越南fusion菜，今晚終於有機會去食啦，好期待。DIY $78自己可以親手包越南米紙卷，有濱海，醃咗嘅白蘿蔔絲，青瓜，菠蘿，生菜，越南香草，另外有個酸酸辣辣嘅sauce，將所有材料包埋再點呢個醬食，好開胃。Grilled Lamb Chop $288有三大舊羊架，一啲都唔會有羶味，肥瘦適中，而且肉質比我想像中嫩滑。Pho Bo Wagyu $168再加左條烤牛骨髓 $78河粉好煙韌，湯底超濃牛肉味，牛肉份量都幾多，個牛骨髓入口即溶，成個配搭好有驚喜👍👍😍😍Smoky Mil $98好有儀式感的一杯cocktail，會將啲煙打入個玻璃罩到，再蓋住杯cocktail，一打開好香煙熏味，入口好順滑。Mango Silk Sling $98好夏日的感覺，因為用左Mango 同Coconut，好清新的感覺。榴槤糯米飯椰子雪糕 $118佢啲雪糕好棉密，椰子雪糕個味都好出，唔會俾榴槤味雪糕蓋過左，再加上啲花生碎同糯米飯增加口感，為呢一餐劃上完美句號，真係好滿足🥰🥰
继续阅读
Happy Friday飯局，選址尖沙咀永安廣場一間餐廳，主打新派東南亞菜，菜式融合傳統嘅又有，西式啲啲嘅都有；裝修別緻，店內員工主要以英語溝通，熱情又主動，好客100👍🏻目測客人有一半人都係外國人，可以坐室外氣氛唔錯😌叫兩杯飲品先：“Coconut Smoothie” + “Mamtom Cooler”“Crispy Fried Green Papaya Salad”炸木瓜沙律，脆卜卜好似食薯條咁，甜甜地得嚟調味調得極惹味，瞬間清晒成碟，朋友話下次再嚟一定要encore呢個～ “Pho Bo Wagyu”每枱必有其影踪就知人氣高企～ 越南牛肉河粉最重要係湯底同河粉，呢碗湯頭又香又鮮甜，飲完都唔太口渴！牛肉切得薄嫩，肉味極濃；河粉新鮮，滑溜口感強👍🏻👍🏻ADD ON “Roasted Bone Marrow”額外加錢加一條大牛骨髓，油脂香到一個點入口舒服唔會太膩，撈落湯度再連埋其他配料一齊食正“Wok Fired Wagyu”切開荷包蛋，和牛份量多，醬油少少辣辣地好惹味，牛迷必試～“The Pineapple Sorbet in Pineapple Shell”用菠蘿殼上，雪葩好香菠蘿味！好適合餐後食，清甜解渴，食完成個人透心涼
继续阅读
老公話尖沙咀永安廣場新開左間酒吧餐廳，有室外同室內，餐廳播住英文歌，室內好有氣氛。餐廳裝修有好features，天花吊左滿圓形玻璃黃光吊燈，吊燈上面就擺放左木船槳，而紅磚牆上亦掛一幅左皮帶做裝飾，幾有風格。餐牌有好西式crossover越式風味，老公發辦叫左幾款唔同種類嘢食，另外兩杯cocktail。Morning glory：即係炒通菜，通菜炒得翠綠，有鑊氣，用左炸蒜同辣椒同炒，炸蒜香，少少辣，好夠味道，好惹味。 Pho Bo Beef：大大條牛骨，中間牛骨髓好香牛脂味，牛肉係牛腩同西冷部分，又腍又嫩。湯底係精華，用左牛骨24小時餚製，牛味極重，湯底勁濃，越南河粉吸埋晒D湯汁，整體好唔錯。DIY：有生菜、越南香草、菠蘿、青瓜、醃青木瓜&蘿蔔同米粉等配料，然後再用越南米紙包住黎食，想包咩就自己DIY，然後再點埋中間個汁，甜甜酸酸，幾開胃。Prime Rib Eye：賣相好好，牛扒已切開，上面有牛骨髓牛油。叫左medium，肉紅紅地，炭燒味道十足，牛扒已調味，鹹鹹地，肉味濃，油脂豐富，好juicy，唔點醬汁，原汁原味仲好食。Mid Night Desire：用左vodka、lychee同prosecco調配，酒味重，帶輕微汽泡，味道比較甜，易入口，幾適合女仕飲。Smoky Mil：酒先用玻璃蓋住，然後職員打開，蘋果木嘅煙同味道飄出黎，好夢幻。入口好香蘋果木嘅煙燻味道，果味重，甜甜地，幾好飲。Durian Sticky rice and Coconut Sundae：榴槤雪糕勁香，有絲絲榴槤肉，旁邊椰子雪糕好香椰絲味，新地底部係糯米飯，煙煙韌韌，整體配搭相當夾，愛榴槤嘅人絕對鐘意。
继续阅读
今晚同朋友慢行尖東海旁，見到差唔多食晚飯時間，於是喺附近搵嘢食，見到呢間Mamtom都幾多客人光顧，必定係好食，於是決定去試試。🍽️ Pho Bo Beef with Roasted Bone Marrow呢碗越南牛肉河粉嘅湯底係24小時慢煮牛肉熬製而成，湯味夠晒濃郁香醇，而牛肉片就用咗牛胸腩和西冷部位，所以啲牛肉好鮮嫩，而河粉又夠軟糯爽滑，再配埋整條烤牛骨髓，令到口感更為豐富。🍽️ DIYDIY即係自己親手包越南紙米卷，材料好豐富，包括有青瓜、菠蘿、青木瓜蘿蔔絲、濱海、炸蒜再配埋泰式酸辣汁，自己用紙米卷包住啲材料嚟食，口感好清爽，而且夠晒開胃。🍽️ Prime Rib Eye呢碟肋眼扒夠晒大份，而且烤到外層微微焦香，而內裡嘅肉質好酥軟鮮嫩，肉味好香濃，配埋越南香草醬汁同埋鯷魚菠蘿汁，令到食慾大增。🍽️ Morning Glory呢碟泰式飛天通菜炒到好鬼香口，再配埋炸蒜馬拉盞，簡直好味到停唔到口。🥄 Durian Sticky Rice & Coconut Sundae榴槤糯米飯配椰子新地，呢個配搭夠創新。榴槤肉質細膩配埋軟糯香甜嘅糯米飯，每一口都有幸福嘅感覺。上層則用咗口感清新嘅椰子奶香味嘅雪糕新地，能帶嚟清爽冰涼嘅感覺。🍹 Mango Silk Sling斑蘭茶底嘅rum酒加配埋芒果、椰子和柑橘，整杯飲品充滿著濃濃果香味。🍹 Smoky Mil呢個飲品上場夠晒儀式感，玻璃罩打開後，啲煙燻咗嘅蘋果木香湧晒出來，Rum酒嘅酒香，重加埋生果嘅清新香氣，令到口感層次更為豐富。
继续阅读