火龍媽媽 (已結業)

失望于翅客, 又再揾第二间医肚, 行过呢间见佢门口介绍嘅虾煎米粉好似好吸引, 于是心口一个勇字嘅我, 当然要试啦! 唔试点知得唔得呢? 虾煎米粉 - 净系个卖相已经好吸引, d 虾摆得好靓, 中间重开埋边方便食, 个蒜茸汁煮得好好味, d 米粉亦煎到边脆心软, 简直系perfect match. 超好味. 老板重教我哋点佢哋自家制嘅辣椒酱, 佢话唔系太辣, 但好夹个米粉, 果然食唔到辣嘅我都食到, 而且味道又真系match㖞!沙嗲牛肉炒乌冬 - 话系手打乌冬, 不过真系几弹牙, 沙嗲酱几好味, 炒到个牛肉同乌冬都好惹味.蒜茸焗蚝 - d 蚝细咗d, 不过个蒜茸做得好好味! 唔错.鱼汤蟹泡饭 - 香浓嘅鱼汤加埋新鲜嘅蟹, 呢个泡饭值得再回味呀!鬼马油炸鬼 - 用鱼肉酿入油炸鬼里面, 虽然唔系咩新菜式, 不过一样做得唔错.煎蚝饼 - 呢度嘅蚝饼用咗好多韮菜煎, 都ok, 不过蚝就少咗d.咸柠7 - 咸柠帮你打碎加冰底比你自己落汽水, 哗! 大热天时, 简直劲解渴, 正!后记: 睇到店内新假期嘅介绍先知老板原来系两姐弟, 今日细佬老板重好有心介绍菜式比我哋, 重话下次可以早d 打电话去,