影片
更多
2008-08-09
28 浏览
听人讲船屋系澳门食葡菜必去既餐厅，所以就算地点比较僻都慕名而来。因为塞车，迟左预约时间半个钟先到，好在都俾我地入去，不过个侍应好搞笑咁问我地做乜迟到，好似老师咁。餐厅地方唔大，有唔少外国人同一家大细，全部都预先book位来，如果walk in既话好多时都被拒诸门外，就算当时有空位都冇人情讲，认真有guts！餐前每人有一个猪扒包质地既餐饱，都几大个，建议唔好食晒先，如果唔系就食唔落主菜喇，不过好肚饿又另计！人少少叫两个主菜就够喇：1)西班牙汁烩蚬(蚬肉鲜味，蕃茄汁带少少辣，非常惹味醒胃，用汁点餐饱更好食)2)葡式海鲜烩饭(用煲仔上既饭唔单只可以keep住温度，仲可以保持鲜味。烩饭湿湿地，非常入味，用料有好多虾，两件蟹同两只大青口。烩饭唔似焗饭咁腻，所以虽然份量多，但慢慢食都食得晒，仲回味无穷添)3)饼干碎牛奶忌廉布丁(其实即系木槺布丁，可能一向食开既都比较"实"，呢度既布丁好似慕丝咁，只系比糊仔杰少少，质感麻麻，好似未雪硬咁，但味道系ok既)呢度冇清水供应，如果需要就要用廿几蚊买一枝，劲唔抵，所以最后我地都系叫可乐算。总括黎讲食物几好，如果人多啲可以试埋葡国鸡，都好出名的。呢度既侍应大部
餐厅地方唔大，有唔少外国人同一家大细，全部都预先book位来，如果walk in既话好多时都被拒诸门外，就算当时有空位都冇人情讲，认真有guts！
餐前每人有一个猪扒包质地既餐饱，都几大个，建议唔好食晒先，如果唔系就食唔落主菜喇，不过好肚饿又另计！
人少少叫两个主菜就够喇：
1)西班牙汁烩蚬(蚬肉鲜味，蕃茄汁带少少辣，非常惹味醒胃，用汁点餐饱更好食)
2)葡式海鲜烩饭(用煲仔上既饭唔单只可以keep住温度，仲可以保持鲜味。烩饭湿湿地，非常入味，用料有好多虾，两件蟹同两只大青口。烩饭唔似焗饭咁腻，所以虽然份量多，但慢慢食都食得晒，仲回味无穷添)
3)饼干碎牛奶忌廉布丁(其实即系木槺布丁，可能一向食开既都比较"实"，呢度既布丁好似慕丝咁，只系比糊仔杰少少，质感麻麻，好似未雪硬咁，但味道系ok既)
呢度冇清水供应，如果需要就要用廿几蚊买一枝，劲唔抵，所以最后我地都系叫可乐算。
总括黎讲食物几好，如果人多啲可以试埋葡国鸡，都好出名的。
呢度既侍应大部分唔识讲粤语，落order时要讲英文，都几high。
不过有一样比较差，就系厕所塞左都冇人理，要扣少少分！
张贴
