影片
更多
2021-04-24
349 浏览
「嫲嫲厨房」主打做京川沪三大名菜，有干锅、水煮、酸菜、凉拌系列等供应，一开始睇点餐纸个阵睇到有少少怀疑人生，因为小菜种类超过一百款，选择多过酒楼点心纸又密密麻麻，心大心细又选择困难症既人真心难拣，好在呢到有个点「半份」的贴心叫法，价钱够贴地，可以放心叫多几样试下。本来以为半份细细碟，叫叫下收唔到手😂，上齐一枱满晒，点知意外地半份份量好足，最后饱到肚腩出埋来。.是日餐点酸菜鱼 (半份$88)菠萝生炒骨 (半份$34)香辣鸡软骨 (半份$26)椒盐粟米 (半份$24)黄金豆腐 (半份$24)胜瓜云耳炒猪颈肉 (半份$32)上海炒年糕 ($48)手拍黄瓜 (半份$12)凉拌皮蛋 (半份$16).「酸菜鱼」整体味道可以，半份酸菜鱼来讲鱼片数量不多，反而底下酸菜足，有几条宽粉，偏酸少辣，肉质未够滑，过下瘾是可以的，专程食酸菜鱼的话专卖店比较好食，留番个肚比其他小菜啦！.「黄金豆腐」外表一粒粒金黄色，表层用左咸蛋黄包裹，啖啖浓郁蛋黄香，中心豆腐嫩身，咬落去几得意，一粒接一粒食唔停。「香辣鸡软骨」香辣得来又有咬口，真心会上瘾😂，呢两款作为配酒小食一流。.「上海炒年糕」味道咸淡适中，烟韧有咬口，不过唔
「嫲嫲厨房」主打做京川沪三大名菜，有干锅、水煮、酸菜、凉拌系列等供应，一开始睇点餐纸个阵睇到有少少怀疑人生，因为小菜种类超过一百款，选择多过酒楼点心纸又密密麻麻，心大心细又选择困难症既人真心难拣，好在呢到有个点「半份」的贴心叫法，价钱够贴地，可以放心叫多几样试下。本来以为半份细细碟，叫叫下收唔到手😂，上齐一枱满晒，点知意外地半份份量好足，最后饱到肚腩出埋来。
.
是日餐点
酸菜鱼 (半份$88)
菠萝生炒骨 (半份$34)
香辣鸡软骨 (半份$26)
椒盐粟米 (半份$24)
黄金豆腐 (半份$24)
胜瓜云耳炒猪颈肉 (半份$32)
上海炒年糕 ($48)
手拍黄瓜 (半份$12)
凉拌皮蛋 (半份$16)
.
「酸菜鱼」整体味道可以，半份酸菜鱼来讲鱼片数量不多，反而底下酸菜足，有几条宽粉，偏酸少辣，肉质未够滑，过下瘾是可以的，专程食酸菜鱼的话专卖店比较好食，留番个肚比其他小菜啦！
.
「黄金豆腐」外表一粒粒金黄色，表层用左咸蛋黄包裹，啖啖浓郁蛋黄香，中心豆腐嫩身，咬落去几得意，一粒接一粒食唔停。「香辣鸡软骨」香辣得来又有咬口，真心会上瘾😂，呢两款作为配酒小食一流。
.
「上海炒年糕」味道咸淡适中，烟韧有咬口，不过唔可以点半份，一份份量超足，有一刻怀疑系咪成包年糕落去炒，叫年糕既大家要考虑叫少啲其他小菜啦。
.
菠萝生炒骨、椒盐粟米以及胜瓜云耳炒猪颈肉与外面食到差不多，凉拌类（黄瓜、皮蛋）作为饭前菜够开胃，整餐落来性价比中上，平平地十几廿几蚊都有，几抵食，而且款式多样化，重口味又得，家常小菜都得。
张贴
