新益美食 (已搬遷) 新店位置

一过到澳门，友人就话肚饿，所以唯有改变一下行程，先到此店吃晚饭。姜葱鲜鱼皮︰超超超好味。虽然有一两块鱼皮仲有啲鱼鳞响度，但程度系可以接受。相比香港果啲得细细碟，真系好唔抵食。XX通菜煲︰呢味𩠌好香，差不多每台都系叫呢个。味道方面都几好，唯独系茎多过叶。蛋白蒸豆腐︰虽然清清地，不过味道都唔系好淡。估计应该系有加上汤的。开始食时觉得不错，不过食食吓觉得稀咗啲，如果可以实番啲会更好食。葱油鸡︰友人话好香鸡味，一定要食。我都食咗好几旧，真系好香几味。唔知澳门系咪仲有新鲜鸡供应嘅呢？真系好耐都冇食过咁香咁重鸡味嘅鸡喇！鸳鸯炸猪扒︰黑椒味果块就普通。但芝士火腿果块就好好味。芝士味够浓。