樂點咖啡

营业中

休息中

去澳门会好友，她特意带了我去一间靓靓cafe 。地点就在永乐戏院同一条巷仔入面，只要揾到架巴士可以系永乐戏院站落基本上就揾到呢间餐厅。由于我系星期五四点到，平日人地返工时间食，所以唔使排队，一入去就有位喇。我地两个算大食既女仔，嗌左各自一杯野饮，再加两个小食一样饱肚既甜品，结果都系饱到反肚，佢啲野份量真系算多架！算系抵食既。一共食左二百三十几葡币。我嗌左杯榛子拿铁咖啡厅，卖相讨好，有熊仔拉花，但榛子味不够出，反而甜度偏甜少少。呢个炸机个人觉得麻麻地,首先食落口觉得只鸡本身缺乏运动，好鬼肥，第二就系佢个面应该系炸既，但就一口都唔脆口，个人觉得好难受，唔钟意。唯一印度深刻既系，呢道菜一来到就心谂「哇乜咁大份」。粟子味pancake,三个字，甜，干，滞。可一不可再，个pancake虽然系厚身，但本身个配方就系太干，令个pancake 一啲都唔湿润。再加上啲好甜既粟子蓉同粟子肉，真系饱过食饭呀阴公。呢个pancake 系由三层厚pancake组成。呀！仲有个不得不提既野就系炸薯条，其实应该叫薯角，炸得够脆，又大份！抵食。