保健牛奶公司

营业中

休息中

双皮炖奶 MOP30保健牛奶座落于新马路附近嘅一条小巷，帮衬嘅人唔多，每次嚟到，都会见到好多空枱，不过并唔代表佢唔好食，只系位置唔太显眼啫～ 虽然呢碗双皮奶嘅卖相麻麻地，望落就好似大脑组织咁，但食落其实好滑，仲好有奶香添～冰花炖鸡蛋 MOP25西式炖蛋嘅代表就系焦糖炖蛋，而中式嘅代表就一定系冰花炖蛋。冰花呢个名听落好靓，其实就系讲紧揾冰糖、清水同埋鸡蛋，三者根据一定嘅比例所整成嘅炖蛋。蛋味香浓，甜味自然，质感滑到就好似食紧布甸一样，绝对唔比焦糖炖蛋输蚀架！姜汁撞奶 MOP30天时冻冻地，食返碗姜汁撞奶就最暖胃，而且姜汁仲有驱寒嘅功效。呢碗姜汁撞奶滑嘟嘟，好有奶味，但我就觉得姜味太重、太辣，麻麻地，应该系落得太多姜汁。