星滙餐廳

营业中

休息中

留意过澳门人写自助餐评价，有趣发现，他们比较着重蟹脚，生蚝供应，甜品。但我发现香港人比较集中款式种类选择多寡，新鲜程度，海鲜种类。唔知系咪因为呢个文化差异，尝试揾一间好一点嘅澳门自助晚餐，都发现间间都有人评论差，包括君悦酒店𠮶间贵到喊又可以自选海鲜处理煮法，一样有人评价佢选择少。最后二选一，巴黎人自助餐及新濠影汇自助餐，继续努力爬文，发觉巴黎人自助餐得壹个卖点，就是所谓嘅热食芝士龙虾及煎鹅肝，每半小时交替供应一次，冬天真系吸引，可惜限时两小时，食自助餐又要照顾小朋友又要限时，确系辛苦。所以最后选择新濠影汇，老实说选择算多，可惜重点嘅海鲜及鱼生，选择较小，鱼生得四款，海鲜就系澳门人钟意嘅长脚蟹、有面包蟹，不过啲人好衰净系攞晒啲蟹壳，剩返下面部分。成世女未试过食生蚝，净系得浸皮，坚系得浸皮，入边乜嘢都冇，仲以为佢比人哋食剩嘅生蚝壳我添（睇相片）冇呃你，我唔会用个瘦字形容佢，系「冇」蚝肉！有冻蚬冻螺，虾就有冻虾同埋热炒。甜品选择都算少。整体都算可以接受，相对价钱正价就贵咗啲。