葡國美食天地

营业中

休息中

难得黎到澳门，梗系要食返餐葡国菜啦。喺开饭网见到呢间餐厅咁多好评，就一于黎试吓啦。是日星期六，黎到餐厅已经系六点半，虽然冇预先订枱，但好好彩依然有位。落单之后店员就为我地送上面包，呢两大个微热嘅猪仔包，为我哋嘅晚餐揭开序幕。炒蚬：用蒜茸炒成既蚬唔单止鲜甜肥美，而且大碟得黎粒粒仲有蚬肉，令人食到停唔到口。海鲜饭：用蕃茄汤整成嘅海鲜饭，卖相呈橙红色，入口酸酸地几开胃，除此之外，海鲜配料仲好足，有青口，虾同鱿鱼等等。烧鸡：烧鸡烧得刚刚好，入味之余入口仲好juicy, 鸡肉亦都好嫩滑，配埋香喷喷嘅英式粗薯条，认真唔错。估唔到餐厅名虽然平凡，但系无论食物同服务都非常之好，唯一唔好处嘅就系冇免费清水提供，如果可以免费提供咁就更好啦。