艾薩克吐司咖啡

营业中

休息中

听讲呢间Issac系韩国都相当之出名，黎到澳门就一于去拜会下，铺头系新马路邮局对面嘅斜巷，都要花啲时间去揾。铺头位置有限，所以都要等一阵位。系Issac梗系要食佢地嘅多士，今次就叫左个火腿芝士多士同一份蜜糖鸡翼。因为系即叫即整，所以都要等10-15分钟先有得食。黎到啦，一份热辣辣嘅火腿芝士多士，面包皮烘到脆身，面头仲涂上蜜糖，面包食落更香甜。而中间嘅芝士半溶状态仲可以拉下丝，一啖咬落去层次丰富，外脆内软。而蜜糖鸡翼都泡制得恰到好处，鸡皮都系脆身，入面十分嫩滑，洒上芝麻令鸡翼更加香。下次黎澳门扫街嘅同时都要留番个肚黎issac整件多士先得。