影片
更多
2010-09-15
3131 浏览
好多人会问「香港冇干炒牛河食咩？做咩条长路远过黎食?」其实冇他啲，都系抱住试下啲心态啫，如果去澳门唔系去赌场同揾野食，我都唔知作为游客仲有咩好做啰~话明系劲食之旅，所以一早plan好响林记食饱饱之后，立即转场去十六蒲附近揾细龟。我地由黑沙环林记烧烤坐的士过黎，好容易就揾到华轩美食，因为响街口已经见到火光红红，细龟正响到炒牛河，火力强劲非常，而且仲听到啲「荙荙声」，真系唔食得都睇得啵~入坐之后立即order左个干炒牛河，见隣近啲食客正在品尝紧碟鲜牛肉肠粉(好似好好味咁)，我同Cobi爸即时你眼望我眼…都系忍唔住叫多碟牛肠，系时候发挥我地啲大食小宇宙啦，哈哈~干炒牛河可能系星期五啲关系，比想像中啲人少，所以碟牛河都好快炒起，净系睇个look就觉得色泽唔够深，而且唔系炒到咁均匀(比Cobi爸见到有几条河粉冇豉油色) ，由咁劲镬气炒出黎啲干牛河，当然系要热辣辣咁放入口啦…点解唔够味?！佢用只豉油唔得！色泽唔够，味道又淡，加左D橙色啲辣椒酱就好番D，不过好在食到尾个碟底都唔多油，呢样合格~牛肉唔系D咩靓牛肉($30蚊一碟…唔好玩啦~)，冇咩要求，冇梳打味，唔难咬开已经好好。鲜牛肉肠粉味道只属一般
话明系劲食之旅，所以一早plan好响林记食饱饱之后，立即转场去十六蒲附近揾细龟。我地由黑沙环林记烧烤坐的士过黎，好容易就揾到华轩美食，因为响街口已经见到火光红红，细龟正响到炒牛河，火力强劲非常，而且仲听到啲「荙荙声」，真系唔食得都睇得啵~
入坐之后立即order左个干炒牛河，见隣近啲食客正在品尝紧碟鲜牛肉肠粉(好似好好味咁)，我同Cobi爸即时你眼望我眼…都系忍唔住叫多碟牛肠，系时候发挥我地啲大食小宇宙啦，哈哈~
干炒牛河
可能系星期五啲关系，比想像中啲人少，所以碟牛河都好快炒起，净系睇个look就觉得色泽唔够深，而且唔系炒到咁均匀(比Cobi爸见到有几条河粉冇豉油色) ，由咁劲镬气炒出黎啲干牛河，当然系要热辣辣咁放入口啦…点解唔够味?！佢用只豉油唔得！色泽唔够，味道又淡，加左D橙色啲辣椒酱就好番D，不过好在食到尾个碟底都唔多油，呢样合格~牛肉唔系D咩靓牛肉($30蚊一碟…唔好玩啦~)，冇咩要求，冇梳打味，唔难咬开已经好好。
鲜牛肉肠粉
味道只属一般，胜在鲜牛肉份量十足，肠粉亦够滑不过冇乜米香，而且粉皮略为厚左少少。
总括黎讲，只系一般水准，期望越大就失望越大！若行过呢头，又想食野的话，绝对系可以医肚啲~
PS一路写呢篇食评啲时候，个脑海就同时间闪出我食过最好食啲干炒牛河(直至现时为止都系最好食…)，好多年前响九龙城有一间叫「星仔记」…镬气够、河粉滑、老抽香、条条河粉都沾有油同老抽，当然食哂之后个碟底唔油啦~店主强调牛肉同河粉都系自家切啲…好几年前，曾经听闻红磡开左一间叫星仔记…哗！立即走去试…不过完全两回事…真系好怀念~
张贴
