沛記咖啡室 (已結業)

由细到大我都好钟意食牛油蛋糕, 呢到既合桃牛油蛋糕系我记忆中最好食既! 离远已经闻到佢浓浓既牛奶味就知新鲜出炉, 摵开佢既时候中间仲有热气升起架! 蛋糕外层焗到岩岩好既金黄色, 未放入口已经闻到好香浓既牛油味. 搣左一角放入口, 蛋糕面焗到脆脆地但系蛋糕内部就软绵绵咁, 睇下先知原来佢蛋糕中间既密度好高, 口感非常绵密. 我平时咁钟意食牛油蛋糕, 呢到既牛油蛋糕暂时真系最好食. 一个细细既size真系唔系好够食, 好彩将最后一啖放入口既时候已经远离左沛记, 如果唔系我又要重多磅喇!