坤記餐室

营业中

休息中

一坐低， 侍应姐姐马上栋系度催落单，十分之勤快！之后我哋点咗支汽水，炸马介休球同埋烩牛脷，点完碟牛脷侍应姐姐即刻就问：「要唔要菜？ 」咁照上文下理我哋当然就以为佢问牛脷要咩配菜啦，所以就拣咗个菜。之后我地差唔多食完餐饭，佢就上咗个「菜」，我地仲以为佢哋送错枱，点知原来系位姐姐好好心咁惊我地食唔饱所以分开点咗个菜俾我哋，多谢哂！ 再讲食品质素： 差。 炸马介球- 涷冰冰， 得几条鱼丝。烩牛脷 - 淡， 适合食得清淡嘅人士。埋单时候我地同收银理论， 𠮶碟「菜」我哋冇掂过冇食过而且唔系我哋主动点嘅菜， 但系店方仍然唔肯让步要我哋照俾𠮶碟菜钱，话系「沟通问题」， ok fine, 我俾冇所谓， 当买个教训，不过你坤记以后就少咗两个客啰。永别。