富仕葡式美食

营业中

休息中

过大海办点事，2点几食午餐、跟住食雪糕，6点又食晚餐，食咩呢?妹子提议去雀仔园附近食葡菜，又好啫，好耐无食萄菜噜。去到未够钟开门，在外边长凳坐住等，差不多够钟就可以入去坐，店面细细，楼下大约可坐20人，楼上唔知有几大嘞。因为一路keep住食嘢同饮嘢，大家都唔肚饿，目标为本，就点人气的鲜忌廉薯蓉焗马介休，同埋富仕烧鸡酿饭，谂住食完叫返个木糠布甸，最后因为太饱无叫到。两种食物都要焗，所以要等一些时间，但系每枱必点呢两样。等待期间欣赏吓墙上挂画，倾吓谒都唔错架。先来个鲜忌廉薯蓉焗马介休香喷喷上桌，颜色有点金黄，用汤匙搯出一角，马介休香味即时飘溢于空气中，食落淡淡鱼香，味道适中，口感creamy顺滑，一人一啖，一口接一口，好快就KO晒成碟啰。正!富仕烧鸡酿饭一上来店员就把它开背，翻开来发现最考功夫系去骨，如何脊柱和胸骨去掉而表皮保持完好呢?鸡烤得皮脆肉嫰，好好食呀！饭粒有点湿，茄汁味较重，食味OK啦。好快满坐架，外面已经有人等位。