影片
更多
2015-10-24
4951 浏览
系澳门最后一餐继续食葡国菜，稳阵起见我地早一日订位，6点入席，餐厅未有客人，可以慢慢影相。餐厅装修简约为主，有两层，坐位都唔少。好在我地系坐二楼，发现左露台有两张二人枱，望新马路街景，好啱情侣撑枱脚。同好多葡国餐厅一样，水系要俾钱买嘅，来路矿泉水大大支$40，ok啦。另外叫左支葡国啤酒试试，虽然唔似德国啤咁重麦味，但苦味唔重，好易入口，都唔错嘅。八爪鱼沙律($85)，八爪鱼煮得刚刚好又唔韧，白醋做酱汁，好开胃。烧炉鱼($148)，肉质有少少松散，但都几滑，个汁有少少黄芥辣都几开胃。葡国啤酒炆猪腱($180)，其实系好巨型嘅大猪手，坚系炆得淋，轻轻一切已经骨肉分离，肉质松软，夹埋啲豆同个汁嚟食，好味又好饱，最好只少4个人以上share。总结，两日一夜嘅澳门美食之旅，食左三餐葡国菜，呢间系三间入面最抵食，无论味道、份量、环境都系中上水平，值得encore。
餐厅装修简约为主，有两层，坐位都唔少。好在我地系坐二楼，发现左露台有两张二人枱，望新马路街景，好啱情侣撑枱脚。
同好多葡国餐厅一样，水系要俾钱买嘅，来路矿泉水大大支$40，ok啦。另外叫左支葡国啤酒试试，虽然唔似德国啤咁重麦味，但苦味唔重，好易入口，都唔错嘅。
八爪鱼沙律($85)，八爪鱼煮得刚刚好又唔韧，白醋做酱汁，好开胃。
烧炉鱼($148)，肉质有少少松散，但都几滑，个汁有少少黄芥辣都几开胃。
葡国啤酒炆猪腱($180)，其实系好巨型嘅大猪手，坚系炆得淋，轻轻一切已经骨肉分离，肉质松软，夹埋啲豆同个汁嚟食，好味又好饱，最好只少4个人以上share。
总结，两日一夜嘅澳门美食之旅，食左三餐葡国菜，呢间系三间入面最抵食，无论味道、份量、环境都系中上水平，值得encore。
张贴
