大龍鳳茶樓

营业中

休息中

难得放假，训到差唔多食晏先出街揾野食系常识啦。。。keke~~澳门有几间都出名嘅旧式茶楼，今次就选择黎到大龙凤茶楼试下佢啲点心。 入面都几大，仲有个茶座。。。但可能系平日，唔算太热闹，都只系得平时饮开啲茶客。 得一张点心纸，但应该都够我地两个人食喇~~ 香煎虾米肠，好耐冇食过喇。食落好香口，好正。但如果佢啲虾米同葱多番少少仲香仲好食。。。 呢个鸡油马拉糕睇落好似平平无奇，普通size，但当睇到佢个笼。。。真系唔识讲野。。。 呢个笼嘅高度喺香港黎讲，已经系有两笼马拉糕喺度，但呢度。。。真系估佢唔到呀! 呢碟花生炆鸡脚，冇咩特别，唔太够味。纯粹过下口瘾。。。香港嘅鲜虾烧卖食得多，黎到澳门，试下佢呢个"干蒸鱼蓉烧卖"。 卖相一般，但比香港嘅鲜虾烧卖大只。食落去，口感唔错，好弹牙，将成旧鱼肉打成鱼蓉，好味! 呢个鲜竹滑鸡扎都系冇咩特别，同香港嘅鸡扎差唔多size, 入面嘅料都大同小异。。。但都几好食。呢笼百花酿瓜莆都唔错，放入口时俾我想像更热，但如果个汁再浓啲应该会仲好食。整体黎讲，呢间茶楼好怀旧feel, 野食同价钱都几平民化，连埋茶钱$150唔洗，算ok啦。