鳳凰餅家 (已結業)

6月12-13号进行2天密集式吃喝玩乐澳门之旅。可惜天公不造美，经常落大雨，寻日朝早趁住唔系好大雨，就由氹仔酒店坐的士去红街市隔离嘅凤凰饼家买手信。呢间舖头系由当地朋友诚意推介嘅！经过窄巷见到一排老舖头，已经闻到阵阵蛋卷香味，店员见到我地左睇右睇，便主动细心介绍各种饼点，呢度啲蛋黄杏仁饼好好食，又香又松化、而且一啲都唔硬。仲有蛋卷、凤凰卷都好好食，今次仲买咗鸡仔饼、金钱饼同黑糖/黄糖光苏饼。我地响店舖逗留半个钟，见到唔少当地人都去买饼，有个伯伯仲话呢度啲饼平靓正添！呢度啲店员又环保又老实，到埋单计数时，佢问我有冇系自己食，唔系送礼嘅，佢就帮我将啲唔易醉嘅唔入纸盒，佢话唔入纸盒唔驶收多2蚊。同埋，买咗2大袋嘢食都系$520葡币，我用港纸找数，拎咗$500出嚟，正想再揾张$20纸时，个店员就话"唔驶咁多，仲有钱找添呀！"哗！通常响澳门好多地方，都系港币葡币系1对1，好少计番个汇率比你！真系好老实！虽然系远离市区一啲，但都值得推介！