影片
更多
2013-03-01
560 浏览
澳门在望, 船未泊岸, 老公已经问第N次, 「今晚几点去Macallan Bar?」真攞命, 为了唔想佢催催杠, 特登早啲去官也街食晚饭, 然后行去银河酒店朝圣酒吧隔离是雪茄吧, 再隔离是意大利餐厅星期一, 九点几, 酒吧有三枱客, 环境非常幽静老公唔讲, 我都唔知枱上"蜡烛"原来是电蜡烛来的, 烛光亦只系一块胶片, 真高科技!在昏暗"烛光"下研究menu, 我对威士忌向来冇兴趣, 今次纯粹系陪太子读书.好简单地点了Macallan cocktail因为旧冰好大, 杯边有一片橙皮及柠檬皮, 太香了, 掩藏了威士忌的香味, 当鸡尾酒酒饮都唔错哩.轮到老公, 佢好认真地研究完本menu, 然后宣布一个重大发现, 就系可以一次过饮匀五个年份,包括12、15、17、21及25年的Macallan Fine Oak, 都系MOP588啫! 佢好精明咁话:「 若果我净order杯25年, 都要七百几蚊, 呢个offer真系抵到裂呀!」虽然个心赤赤痛, 不过你话抵咪抵啰, 唔通我唔俾你叫咩?个待应小姐话呢啲大冰系用部特别机器做的五个小杯内就是不同年份的Macallen了.份量真系少, 我都唔好意思攞
老公已经问第N次, 「今晚几点去Macallan Bar?」
真攞命, 为了唔想佢催催杠,
特登早啲去官也街食晚饭,
然后行去银河酒店朝圣
酒吧隔离是雪茄吧, 再隔离是意大利餐厅
星期一, 九点几, 酒吧有三枱客, 环境非常幽静
老公唔讲, 我都唔知枱上"蜡烛"原来是电蜡烛来的, 烛光亦只系一块胶片, 真高科技!
在昏暗"烛光"下研究menu,
我对威士忌向来冇兴趣,
今次纯粹系陪太子读书.
好简单地点了Macallan cocktail
因为旧冰好大, 杯边有一片橙皮及柠檬皮, 太香了, 掩藏了威士忌的香味,
当鸡尾酒酒饮都唔错哩.
轮到老公, 佢好认真地研究完本menu,
然后宣布一个重大发现,
就系可以一次过饮匀五个年份,
包括12、15、17、21及25年的Macallan Fine Oak, 都系MOP588啫!
佢好精明咁话:「 若果我净order杯25年, 都要七百几蚊, 呢个offer真系抵到裂呀!」
虽然个心赤赤痛, 不过你话抵咪抵啰, 唔通我唔俾你叫咩?
个待应小姐话呢啲大冰系用部特别机器做的
五个小杯内就是不同年份的Macallen了.份量真系少, 我都唔好意思攞嚟试, 只敢拎嚟闻下,
梗系香啦,
到了澳门, 至知自己咁穷!
坐足成晚, 试完五杯威士忌,
老公游目四顾, 见到一山还有一山高
下次试试40年好唔好?「好呀, 你俾啲钱我去转赌场先.」
OMG, 呢度有枝1951年, 睇怕卖咗层楼都饮唔起鸟.
题外话/补充资料：
因为系酒店, 除了加一, 仲有5%税,
总共MOP745.2
(以上食记乃用户个人意见 , 并不代表OpenRice之观点。)
张贴
