台灣帝鈞碳烤胡椒餅 (已結業)

位于大三巴附近，由”荣记荳腐"行过黎大约5分钟（350米）。呢间胡椒饼有两间店，大三巴附近个间系总店，另一间在板樟堂。胡椒饼每个＄18，两个以上每个＄16 ，另可加＄5配仙草甘茶。一去到店面，胡椒饼岩岩出炉，唔洗排队第一个买。一接手己经FEEL到劲热，闻落去个皮劲香，等左一两分钟先食，一咬落去，外面个层脆到”卜卜”声，入面有好几层皮，超松脆，至于馅料方面，D肉大大旧但汁唔算多，虽然有好大粒葱但无乜葱味，肉质同馅料味道同台湾D胡椒饼比，差好远，而且食到一旧劲大旧咬唔烂既筋，如果唔小心吞左就大镬！劲扣分！