影片
更多
2018-02-26
4470 浏览
※本文以用餐当日的环境、服务和食物质素为准，口味亦因人而异，文章只作参考之用。-2018年第一个美食游就近近地拣左澳门，密密食既澳门一日游，可惜咁岩遇到大雾同落雨，真系唔好彩！由落船开始不停落住雨，不停要开遮真是烦死了！第一站拣左近来网上大热的「伦记软滑肠粉」，由于拣左氹仔落船，坐的士过去都用左成$90。去到门口见到落半闸，心里一沈，唔系咁黑仔呱...刚好老板的女儿出黎话准备去送外卖，老板出黎见到我地就话整埋比我地食先，老板你太好人了吧，很感激！刚好有两个内用位置，可以坐入去堂食。「伦记」以即拉即制既肠粉而出名的，有香港较常见既「叉烧肠」、「猪润肠」和「牛肉肠」等；不过最出名莫过于较少见的「葱花鸡蛋肠」，大部分肠粉都系廿几蚊，另外仲有小食同粥品等。一路睇住老板手法纯熟咁用米浆整肠粉，倒米浆后蒸一蒸，再倒鸡蛋加葱花蒸一蒸；老板仲唔介意拎起比我地影（笑），三两下手势好快就完成一碟。另外仲叫左碟鱼滑粟米肠同炸云吞。终于有得食，酱料都系任加的，酱控一定好开心!葱花鸡蛋肠粉 $27加左鸡蛋既肠粉虽然蛋味唔重，不过个肠粉真心滑又唔黏，唔会一夹就散，加埋大量豉油、甜酱同麻酱，好快就滑晒落肚。呢种地道
-
2018年第一个美食游就近近地拣左澳门，密密食既澳门一日游，可惜咁岩遇到大雾同落雨，真系唔好彩！由落船开始不停落住雨，不停要开遮真是烦死了！第一站拣左近来网上大热的「伦记软滑肠粉」，由于拣左氹仔落船，坐的士过去都用左成$90。去到门口见到落半闸，心里一沈，唔系咁黑仔呱...刚好老板的女儿出黎话准备去送外卖，老板出黎见到我地就话整埋比我地食先，老板你太好人了吧，很感激！刚好有两个内用位置，可以坐入去堂食。
「伦记」以即拉即制既肠粉而出名的，有香港较常见既「叉烧肠」、「猪润肠」和「牛肉肠」等；不过最出名莫过于较少见的「葱花鸡蛋肠」，大部分肠粉都系廿几蚊，另外仲有小食同粥品等。
一路睇住老板手法纯熟咁用米浆整肠粉，倒米浆后蒸一蒸，再倒鸡蛋加葱花蒸一蒸；老板仲唔介意拎起比我地影（笑），三两下手势好快就完成一碟。另外仲叫左碟鱼滑粟米肠同炸云吞。
终于有得食，酱料都系任加的，酱控一定好开心!
葱花鸡蛋肠粉
$27
134 浏览
0 赞好
0 留言
葱花鸡蛋肠粉 $27
加左鸡蛋既肠粉虽然蛋味唔重，不过个肠粉真心滑又唔黏，唔会一夹就散，加埋大量豉油、甜酱同麻酱，好快就滑晒落肚。呢种地道小食真心要试下，而且一盒份量都几多，建议两人分享。
鱼滑粟米肠 $24
男人点的鱼滑肠，就似食紧鲮鱼肉肠粉，肠粉同样好滑，但就唔系我杯茶。
脆皮炸云吞 (8粒)
$33
91 浏览
0 赞好
0 留言
脆皮炸云吞 $33/8粒
为食既小妹又叫左碟炸云吞，即叫即炸，云吞皮咬落好脆，里面包左猪肉，可惜腌得唔算够味，都系较爱鲜虾炸云吞个类。
店入面仲有只靓靓猫猫，个样好正经，可惜比较怕人，一撩佢玩就逃走。
张贴
