影片
更多
2015-11-08
2362 浏览
良心小店，平易近人的老板娘位于白鸽巢，由”新英记"行过黎大约8分钟（550米），入口位于佳景溜冰场和M记中间，楼梯上去平台就系。一去到店面，店员己经走出黎问要乜野，其实我见到大大盘试食盒，好想试食但又唔好意思，于是就直接买左甘草柠檬同川贝陈皮（每包＄35）。唔讲唔知，原来店员都未知佢间店入左米芝莲，仲问我米芝莲系乜，话今日接到个电话都问米芝莲，佢答人打错（笑爆！）之后店员（改口叫老板娘可能岩D）仲讲起店铺历史，话系由佢老爷做起，做到而家己经五十多年了，店内的陈皮柠檬都系自己晒，落雨就晒唔到了，平时都有台湾人呀，外国人黎帮衬，等等等等，佢好健谈，讲左好多野。。。半百年的老店，真系希望可以传承落去。MENU：好多小盒比人试食：讲返食物，”柠檬王”最出名既甘草柠檬，入口微酸，烟烟靭靱咁，有微微的甘草香味，无平时食个D柠檬干咁酸，明显真材实料无加古灵精怪野，只有皮而无核，可以当零食咁食多几旧。至于川贝陈皮，可能陈皮本身只味太劲，所食闻落唔系好觉有川贝味。另外，因为系陈皮干，就咁食会劲硬，老板娘话浸两三块落水饮。我今朝都有几声干咳，好乖咁浸左两块大加一块细既落支水度饮，浸左半个钟左右饮，饮到好香
良心小店，平易近人的老板娘
位于白鸽巢，由”新英记"行过黎大约8分钟（550米），入口位于佳景溜冰场和M记中间，楼梯上去平台就系。一去到店面，店员己经走出黎问要乜野，其实我见到大大盘试食盒，好想试食但又唔好意思，于是就直接买左甘草柠檬同川贝陈皮（每包＄35）。唔讲唔知，原来店员都未知佢间店入左米芝莲，仲问我米芝莲系乜，话今日接到个电话都问米芝莲，佢答人打错（笑爆！）之后店员（改口叫老板娘可能岩D）仲讲起店铺历史，话系由佢老爷做起，做到而家己经五十多年了，店内的陈皮柠檬都系自己晒，落雨就晒唔到了，平时都有台湾人呀，外国人黎帮衬，等等等等，佢好健谈，讲左好多野。。。半百年的老店，真系希望可以传承落去。
MENU：
好多小盒比人试食：
讲返食物，”柠檬王”最出名既甘草柠檬，入口微酸，烟烟靭靱咁，有微微的甘草香味，无平时食个D柠檬干咁酸，明显真材实料无加古灵精怪野，只有皮而无核，可以当零食咁食多几旧。
至于川贝陈皮，可能陈皮本身只味太劲，所食闻落唔系好觉有川贝味。另外，因为系陈皮干，就咁食会劲硬，老板娘话浸两三块落水饮。我今朝都有几声干咳，好乖咁浸左两块大加一块细既落支水度饮，浸左半个钟左右饮，饮到好香既陈皮味，仲有微微既川贝甘香味，生津解渴。
张贴
