影片
更多
2011-05-11
76 浏览
餐厅位于新葡京嘅二楼，一出电梯就见到接待处，不过仍未见到餐厅嘅格局。原来接待处嘅旁边系镜面自动门，门一打开，就见到神秘嘅流水金鱼通道。尽头嘅自动门再打开，就见到典雅高贵嘅餐厅。一踏入餐厅，最瞩目嘅一定系中央嘅大玻璃球水晶吊灯，玻璃球高贵得嚟又唔会太俗气，而且同水中嘅倒影形成8字图案，贯彻餐厅嘅主题。墙上嘅丝绒金鱼刺绣，生动灵巧，令优雅嘅餐厅增添几分生气。唔好俾呢个咁瑰丽嘅环境吓亲，其实价钱一d唔算贵，普通开壶茶，普洱、铁观音等，茶钱才每位MOP 10，仲有火暖住壶茶，咁嘅价钱，美心、翠园等都唔得啦！叫好少少嘅太湖碧螺春、黄山毛峰等，MOP 38*；西湖龙井、冻顶乌龙都系MOP 48*。当然仲有d最顶级嘅武夷山大红袍、珍藏48年普洱茶饼系时价。(*menu冇写明系每位计定系每壶计，记得自己问清楚。)点菜嘅时候，经理殷勤有礼地推介菜式。(其实从来都唔钟意d侍应推介菜式，因为一定系hard sell自己嘅贵价菜，而且又唔熟悉时令嘅食材，所以成日都冇好介绍。)喺呢度当然冇咁嘅情况啦！我地想叫蒸蟹拑，每只MOP 88(两只起)，相信其他餐厅嘅侍应一定照落单。 不过呢度嘅经理谂一谂，就话唔建议我地
一踏入餐厅，最瞩目嘅一定系中央嘅大玻璃球水晶吊灯，玻璃球高贵得嚟又唔会太俗气，而且同水中嘅倒影形成8字图案，贯彻餐厅嘅主题。墙上嘅丝绒金鱼刺绣，生动灵巧，令优雅嘅餐厅增添几分生气。
唔好俾呢个咁瑰丽嘅环境吓亲，其实价钱一d唔算贵，普通开壶茶，普洱、铁观音等，茶钱才每位MOP 10，仲有火暖住壶茶，咁嘅价钱，美心、翠园等都唔得啦！叫好少少嘅太湖碧螺春、黄山毛峰等，MOP 38*；西湖龙井、冻顶乌龙都系MOP 48*。当然仲有d最顶级嘅武夷山大红袍、珍藏48年普洱茶饼系时价。(*menu冇写明系每位计定系每壶计，记得自己问清楚。)点菜嘅时候，经理殷勤有礼地推介菜式。(其实从来都唔钟意d侍应推介菜式，因为一定系hard sell自己嘅贵价菜，而且又唔熟悉时令嘅食材，所以成日都冇好介绍。)
喺呢度当然冇咁嘅情况啦！我地想叫蒸蟹拑，每只MOP 88(两只起)，相信其他餐厅嘅侍应一定照落单。 不过呢度嘅经理谂一谂，就话唔建议我地叫蟹拑，佢话d蟹唔合时，d蟹拑好细只，唔似d相咁有成只碟咁大。当我地叫乳猪焗饭嘅时候，经理亦建议我地叫半只就够。最后叫甜品嘅时候，经理亦能观察我地饱嘅程度，作出合适嘅推介。
喺香港好少见咁有质素嘅经理：与厨师有良好嘅沟通，对食材嘅高度了解，亦明白顾客嘅心态，更能亲切、有礼、用心地推介，服务梗系满分啦！
先嚟餐前小食，猪肉粒酸酸甜甜，好醒胃，米盏松脆，系一道恰到好处嘅餐前小食。
法国鹅肝金钱鸡
Barbecued Pork with French Goose Liver
怀旧嘅烧味菜式，不过以鹅肝代替鸡肝，食起嚟更丰腴美味。鹅肝丰腴软糯，肥肉甘香爽脆，叉烧蜜味香浓有咬口，三者配合得天衣无缝，如此极品竟然只系MOP 28一件，物超所值！椒盐龙脷仔
Deep-fried Macau Sole with Spicy Salt
龙脷仔炸得松脆香口，一d都唔油腻，可见师傅嘅星级功力。椒盐味道啱啱好，少少香辣，送酒一流！伴碟亦绝不马虎，车厘茄有兔仔造型，十分精致。而且份量不少，都只系MOP 68，抵食！肉松榄菜炒法边豆
Wok-fried French Bean with Minced Pork and Preserved Vegetable
一般都系炒四季豆，不过四季豆有条硬边，处理得唔好就嚡口有渣。呢度用法边豆代替，法边豆清甜爽口，炒得有镬气，榄菜带d独特嘅咸香，带起成碟菜嘅味道，好味！早前同朋友去超市买法边豆，要十几蚊一包。呢度份量十足，起码有两包，才MOP 68，超抵！
黄金带子酿鹅肝酱
Steamed Minced Scallop Filled with Goose Liver Pate and Coated with Shredded Ham, Sea Moss on the Bed of Carrot Sauce
食唔到蟹拑，于是谂过另一款海鲜菜式。见呢款几特别，份量又唔太多，就试下啦！橙色嘅系甘笋汁，六粒丸子上面铺上云腿丝同海苔丝，色彩鲜艳，卖相一流。
丸子系用带子同虾肉剁成，十分弹牙。入面酿有鹅肝酱，味道浓郁，亦能带出丸子嘅鲜味。垫底嘅甘笋汁鲜甜清爽，减轻鹅肝酱嘅油腻，好味！ (MOP 128)
原只乳猪焗饭 (半只)
Suckling Pig Stuffed with Fried Rice and Preserved Meat
出发前搜集呢度嘅资料，已经觉得呢只猪仔好吸引。起初担心两个人食唔到一只猪，后来知道可以叫半只，正！一定要试！
侍应将乳猪端出嚟嘅时候，见佢细细只，烧到「蜡蜡靓」，一定皮脆肉嫩。侍应问我地要上庄定下庄，老婆话要下庄，因为上庄个猪头冇乜肉食，又啱㖞！(稍后时间见侍应拎咗份上庄去第二枱，原来唔一定有得拣，睇你好唔好彩。)侍应切去猪手同猪脚，再从猪身中间一开二。然后小心翼翼咁切咗四圈出嚟，分成两碟。两圈刚好拼成8字，真系好嘢！净返嘅饭都仲有一大碗，切埋嘅乳猪足足有一碟例牌咁多！
果然皮脆肉嫩，皮肉之间嘅脂肪薄薄地，好甘香。入面酿嘅糯米饭炒得干身，亦充满油香，无得弹！食晒两圈，已经好饱，老婆食多一件乳猪已经投降。其实小弟应该食得晒嘅，不过无谓去到咁尽啦！所以只系爬埋碗饭，食多两件猪就收工！经理见我地已经投降，就好醒目咁帮我地包起碟乳猪。好满足！ (半只MOP 240)经理执好枱，冲埋茶，再攞甜品menu俾我地。佢见我地饱到上心口，亦唔心急帮我地落单，等我地坐下，唞下，叹啖茶先，慢慢拣甜品，真系非常体贴！最后我拣咗脆松饼，老婆拣咗椰汁雪蛤。经理话两款甜品都好「漏」，提议我地叫柚子冻，酸酸地比较消滞。不过小弟系甜魔，梗系唔会放过呢个朱古力脆松饼啦！老婆就转咗要柚子冻。
"8" 脆松饼配君度橙酒
Golden Crunchy Cake "8" Served with Orange Segment and Cointreau Sauce
朱古力好香浓，中间嘅mousse好滑。松饼脆脆地，同朱古力好夹。𠮶几旧橙好鲜甜，中和返d朱古力。唯一可以弹嘅就系个君度橙酒酱唔够酒味。清香柚子涷
Chilled Pomelo with Lemon and Cointreau
柚子冻酸酸地，果然消滞又醒胃。临尾，侍应再奉上一杯「招牌奶茶」，叫我地唔驶加糖。奶茶闻起嚟几香，饮一啖试下，口感几滑，似港式嘅丝袜奶茶。不过超甜，虽然小弟系甜魔，食完个朱古力甜品，都仲觉得好甜。因为呢杯系「茶走」，系落炼奶嘅！好彩细细杯，啱啱好。
贵为米芝莲二星嘅餐厅，我觉得环境满分，服务满分，食物满分。咁完美嘅晚餐，埋单才MOP 700!!!真系物超所值！
张贴
