柏林頓班戟屋(美式班戟專門店) (已結業)

对上一次同闺密嚟柏林顿班戟屋已经系两年前，虽然香港啲CAFE宜家开到周街都系，但系好似柏林顿呢一种味道就真系只有柏林顿先食到，喺澳门嘅更可以话系得佢一间。由于我地嚟之前已经食到七成饱，所以我地只系叫咗一杯饮品同一份PANCAKE SHARE：唔记得咗叫咩名，净系记得有好香荔枝味，甜甜地又未至于「甜野野」，非常推荐去完大三巴曝晒先之后叫嚟饮，感觉就好似饮杯冰冻嘅庶汁咁，好爽呢个系做紧PROMO嘅绿茶PANCAKE，佢个名叫做「抗氧化绿茶班戟」好好笑，其实柏林顿嘅PANCAKE有阵「住家味」，即系唔会好似连锁快餐店啲PANCAKE咁机械化嘅味道，佢嘅绿茶系食落口有淡淡地果只茶香，而唔得系「一味得个绿」好假好化学果只绿茶味，一份有三大块厚厚地嘅PANCAKE，红豆蓉味道天然唔会过甜，仲有我都几欣赏佢嘅CREAM，平时我唔食CREAM嫁，但系佢嘅CREAM系轻飘飘好似空气咁，加埋落PANCAKE一齐食真系好正，呢个「抗氧化绿茶班戟」绝对值得一试。其实两个女仔嗌一份PANCAKE两杯饮品都已经好足够，仲有就系见左右两台都食紧一个三文鱼嘅意粉好似唔错咁，下次都想嚟试下佢地啲意粉！