福龍葡國餐廳

营业中

休息中

因为朋友食素，我哋揾咗好耐先至揾到一间有提供素食嘅葡国菜。夜晚七点去到冇订枱，所以要等到9:30先有枱。等到9:00左右就有位。装修系满满嘅葡国风格，几有气氛。餐前会附一人一个小餐包。我哋点咗素葡式杂菜焗鱼、素薯蓉青菜汤、素葡国鸡。个汤有少少似忌廉汤，但系佢系薯蓉做嘅，夹埋啲菜几惹味。焗鱼好有惊喜，杂菜有少少焦香味，底有少少汁，点素鱼好开胃。店员话素鱼柳系豆制，咬落比真鱼实净，但整体嚟讲系好好味。素葡国鸡就有少少失望，葡汁味道比较淡，素鸡系传统中式斋舖𠮶种素鸡，口感麻麻。埋单𠮶阵，店员话有甜品送，仲有几款拣。我拣咗焦糖鸡蛋，唔太甜好浓嘅鸡蛋味几好食。