影片
更多
2017-10-25
4686 浏览
第三次黎呢间三星餐庞，水准依然! 食物顶级、服务顶级、环境都系顶级。如果你系第一次光顾8，我相信佢既每道菜，或多或少都会带到少少惊喜俾你。由头讲起：餐前小吃：一开始已经送鲍鱼仔，除左心理同视觉上得到享受，食埋落口更加系带俾你第一道惊喜! 惊喜唔系在于只鲍鱼仔，而系鲍鱼仔下面既柚子果冻，清新既味道，甜甜地又凉凉地，完美示范乜野系「开胃前菜」。菠菜茸鲜虾羹：望落去绿色以为加左唔知D咩色素落去，食落先知原来系极大量既菠菜打成茸而令到碗汤变成绿色。当你以为佢好似一般汤水咁稀泥泥既口感，食落先知原来佢真系足料到菠菜沟水都可以煮到好有质感。记得第一次黎食时仲犹豫紧好唔好叫呢个汤....因为$120得一碗实在唔系便宜，但依家回想起，真系物有所值。瑶柱竹笙炖沙鱼骨汤：如果上面个$120汤系物有所值，呢个沙鱼骨汤一定系物超所值，钟意饮中汤既人必定要试一次，如果唔系人生就多一个遗憾。由细到大我都唔钟意食瑶柱，原因系我根本未食过煮得好味既瑶柱，不论煲汤/ 煲粥/ 炆瓜/ 炒菜都好，无论你点煮佢都系软得黎有少少烟韧令你好难先咬得断既口感。但呢个汤佢除左煲到D瑶柱味出晒黎之外，仲可以令到佢好淋身，好易入口。再讲
餐前小吃：一开始已经送鲍鱼仔，除左心理同视觉上得到享受，食埋落口更加系带俾你第一道惊喜! 惊喜唔系在于只鲍鱼仔，而系鲍鱼仔下面既柚子果冻，清新既味道，甜甜地又凉凉地，完美示范乜野系「开胃前菜」。
餐前小食
238 浏览
0 赞好
0 留言
菠菜茸鲜虾羹：望落去绿色以为加左唔知D咩色素落去，食落先知原来系极大量既菠菜打成茸而令到碗汤变成绿色。当你以为佢好似一般汤水咁稀泥泥既口感，食落先知原来佢真系足料到菠菜沟水都可以煮到好有质感。记得第一次黎食时仲犹豫紧好唔好叫呢个汤....因为$120得一碗实在唔系便宜，但依家回想起，真系物有所值。
菠菜茸鲜虾羹
$120
178 浏览
0 赞好
0 留言
瑶柱竹笙炖沙鱼骨汤：如果上面个$120汤系物有所值，呢个沙鱼骨汤一定系物超所值，钟意饮中汤既人必定要试一次，如果唔系人生就多一个遗憾。由细到大我都唔钟意食瑶柱，原因系我根本未食过煮得好味既瑶柱，不论煲汤/ 煲粥/ 炆瓜/ 炒菜都好，无论你点煮佢都系软得黎有少少烟韧令你好难先咬得断既口感。但呢个汤佢除左煲到D瑶柱味出晒黎之外，仲可以令到佢好淋身，好易入口。再讲个汤，饮一啖，D沙鱼骨胶原系直头浆住左成个口同喉咙，又足料又好味。如果可以的话，我会俾呢个汤6星!!!
瑶柱竹笙炖沙鱼骨汤
$120
148 浏览
0 赞好
0 留言
酥炸椒盐田鸡腿：田鸡腿够大只，肉质实净，出面应该都食唔到咁大只既田鸡腿，相信佢全部都净系用后腿而无用前腿。而已洗得好干净，唔会有D黑色筋键连住；层炸粉超薄超脆，唔会好似其他炸野咁食到成口厚炸粉，呢D先系真正既「酥炸」。配合埋佢D椒盐调味....天下一绝!! 最紧要系，佢咁样炸法，食落一D油腻感都无 (可能已经印走晒D油)....真系无得顶~!
蒜片A4和牛粒伴露荀：和牛粒其实系一样几难处理既食材。坊间好多都系会为左令牛粒淋身少少就煮到出面熟而入面未熟，又或者为左入面7成熟熟而煮到出面熟过头，变到粒野好似香口胶咁又韧又无汁。铁板烧/ 炉端烧可能会好少少，但我自己对牛粒基本上系敬而远之、可免则免。但8既和牛粒系做到恰到好处，外软内熟，有少少入口即溶既感觉。如果未食过好味既牛粒就对不能错过。
香辣脆薯法边豆：呢味系唯一觉得唔好既食物。咁谂住叫个菜食下，就试下呢个啦，但佢个脆薯条同个菜唔夹，同个酱汁又唔夹。薯条本身就系脆卜卜，但佢淋左D甜酸汁上去，搞到一条脆卜卜薯条变到淋pat pat，失败! 仲要甜酸汁配咸既薯条，即系又甜又酸又咸又辣，味道怪异，失败! 你著衫出街都唔会衬到5颜6色红橙黄绿咁啦!? 咁既野用黎炒菜，我唔识欣赏。
乳猪焗饭：相信系镇店之宝，早几年开始香港好多地方都抄佢个乳猪焗饭，但真系完全天堂同地狱既分别。香港果D只乳猪本身已经皮厚、唔脆、多肥膏，仲要D饭吸晒D猪油，一食落去就成口油，食完一次永远唔会再食。但8既乳猪焗饭完全无呢D问题，佢做到皮薄得黎脆，脆得黎唔会有焦味，而且饭唔会有油，加埋佢D藏起饭粒入面既膶肠香到不得之了....回想起第一次食落口真系想好似家燕妈妈咁大叫：好好味呀~~~~~~~~~~~~~
免费饭后甜点 - 蛋挞：睇落普通酥皮蛋挞仔一个，最多加左少少朱古力粉，但食落去真系攞你命....个酥皮整到脆卜卜~!!! 边可以想像到酥皮蛋挞都整到脆....如果可以我会叫一打拎走~!
总结：去过香港好多间好出名既中菜餐厅例如：福临门、波士厅、镛记、龙景轩等等，但无乜边一间令我食饭食到惊喜不断，食完成个人系开心既~! 8 真系唯一一间做到咁既效果，午市饮酒我未试过唔知有几好，但佢晚餐质素、装潢、服务真系名副其实既三星。最重要系佢既价钱比起其他中菜厅黎讲算好平好平~! 举例晌福临门饮个午茶人头要$900，龙景轩食个晚饭人头$1500，但晌8如果你唔系食D咩时令海鲜、山珍海错的话，每人$700都应该可以了。
酥炸椒盐田鸡腿
$180
138 浏览
0 赞好
0 留言
蒜片A4和牛粒伴露荀
$880
120 浏览
0 赞好
0 留言
香辣脆薯法边豆
$160
105 浏览
0 赞好
0 留言
乳猪焗饭 半只
$340
165 浏览
0 赞好
0 留言
饭后甜点
92 浏览
0 赞好
0 留言
饭后甜点
85 浏览
0 赞好
0 留言
张贴
