影片
更多
2019-03-10
2483 浏览
久违嘅天巢！好几年无嚟过，感觉而家比以前更难订位，一个半月前订周末午餐都订唔到窗边嘅台🤨 不过都无阻我享受呢个食左三个钟嘅米芝莲三星嘅午餐😌以三粒星嚟讲，午餐价钱系几合理嘅（$688起），大部分出品都系水准之作，有一两个dish都有惊喜。今次我就叫左个4-course $788，另外main course转牛肉tartare另加$90。Amuse Bouche ：Le Foie Gras d'Oie 鹅肝伴芹菜慕丝及黑松露 鹅肝系幼滑嘅芹菜慕丝加持下，摇身一变成为清新头盘，可惜面头嘅黑松露差咁少少香味Appetizers：L'Hamachi 生油甘鱼薄片伴飞鱼子配日本陈年酱油及柠檬汁新鲜嘅油甘鱼本身就深得我心，柠檬汁加酱油一酸一咸，加上一粒粒嘅鱼子，味道口感好丰富又恰到好处，系其中一道最得我欢心嘅菜式🤤Le Pâté en Croûte 法式牛仔鸭肝冻批伴野菌沙律 好有份量嘅前菜，味道不错但太腻，友人都话食完就饱左😅Soups：La Châtaigne, unctuous chestnut veloute with onion cream and celeriac 栗子浓汤伴幼滑洋葱忌
以三粒星嚟讲，午餐价钱系几合理嘅（$688起），大部分出品都系水准之作，有一两个dish都有惊喜。今次我就叫左个4-course $788，另外main course转牛肉tartare另加$90。
Amuse Bouche ：
Le Foie Gras d'Oie 鹅肝伴芹菜慕丝及黑松露
鹅肝系幼滑嘅芹菜慕丝加持下，摇身一变成为清新头盘，可惜面头嘅黑松露差咁少少香味
Appetizers：
L'Hamachi 生油甘鱼薄片伴飞鱼子配日本陈年酱油及柠檬汁
新鲜嘅油甘鱼本身就深得我心，柠檬汁加酱油一酸一咸，加上一粒粒嘅鱼子，味道口感好丰富又恰到好处，系其中一道最得我欢心嘅菜式🤤
Le Pâté en Croûte 法式牛仔鸭肝冻批伴野菌沙律
好有份量嘅前菜，味道不错但太腻，友人都话食完就饱左😅
Soups：
La Châtaigne, unctuous chestnut veloute with onion cream and celeriac
栗子浓汤伴幼滑洋葱忌廉
浓汤里面夹杂著烟鸭胸片、栗子粒、野菌同洋葱忌廉，每个食材都好突出但配合得宜，喜欢！
La Crevette
木鱼清汤伴大虾及鲜姜
汤底清甜又有香浓嘅菇菌味，唔错，但差咁啲惊喜（可能惊喜点系似中汤🤪）
Main：
L'Onglet de Boeuf 生牛肉鞑靼伴黑松露
呢个tartare味道传统，爽滑嘅牛肉混入多种调味，其中capers嘅辣味最突出。上面铺满嘅黑松露切成碎粒，餐厅话系要令松露平均咁混合牛肉同时增加口感层次，不过tartare本身味道浓，反而盖过左松露嘅味，有啲可惜呢
L'Amadaï 香煎日本甘鲷配法式海鲜浓汤
鱼柳嘅皮经过特别处理再煎，超级酥脆香口，配上鲜味十足嘅海鲜浓汤，将鲜嫩甘鲷提升至另一层次👍🏻 主菜中最欣赏佢
Le cochon Ibérique香煎西班牙猪肩肉伴野菌及粟米蓉
友人叫嘅，食左一啖，觉得系一块几嫩口嘅猪扒，系咁多😅（可能我麻麻地钟意食猪啦）
最后就系雪糕车、甜品车同petit four。甜品车可自选两款甜品，除左送嘅拿破仑仲叫左苹果tart同Mont Blanc，前者唔错，但后者有啲伏，甜到有药水味🤡
都系拿破仑最安全好味，而且佢系我心目中一直有举足轻重嘅地位，皆因佢嘅酥皮极之出色，焗到啱啱好嘅焦糖色，层层分明又平均，每一啖都散发著牛油嘅香气，酥脆松化🤤 夹埋充满著云尼拿籽嘅浓滑厚忌廉，简直系唔属于人间嘅美味呀！嚟食开lunch记得拣佢就无错，有庆祝嘅话餐厅都会送返个。
张贴
