咖啡苑

营业中

休息中

同老婆庆祝生日嘅澳门之旅，之前连续两年住君悦食君悦自助餐，今年想试下其他就订左永利皇宫，顺便选埋咖啡苑嘅自助晚餐，环境好 奢华，服务员好好礼貌，由于提早预订，可以安排到窗边位置，之前食开君悦有即叫即煮海鲜，不过哩到就冇。哩到就有君悦冇嘅生蚝，不过size偏细，但味道几好唔会太咸几新鲜，冷盘海鲜仲有两样几好嘅海虾同埋龙虾，沙律有几款好有特色嘅，出面自助餐好少见到，哩到刺身区就唔会有师傅响到，而系切好一盘盘比你夹，最惊喜系有三文鱼子，热食虽然选择唔多，但我试晒全部都几好，惊喜位系有乳猪仔食，甜品款式好多，唔太甜，细细件，唔会令你好快饱，等你可以食多几款。值得一赞嘅系服务员个个态度亲切友善，会留意到食客有咩需要提供协助，我每次出去拎食物随意放低条餐巾，番到黎，次次都折番好靓好似未用过咁。