世記咖啡快餐

营业中

休息中

通常食世记都会去官也街𠮶一间，但其实有一间隐世咗嘅世纪可以坐低慢慢食。呢一间喺新八百伴附近嘅世记我极度推介。去到先叫餐后入座，叫咗一个冻奶茶同埋招牌冻柠茶，奶茶唔错，柠茶冰都系茶，所以唔会比啲冰融左整淡个味。个印尼捞面炒蛋加鸡扒都超级正，最正系个厚蛋，应该系我人生中食过最好食嘅一个蛋，个鸡扒炸得非常出色，如果你觉得猪扒包正的话个鸡扒都可以试吓。个三文治就不过不失，下次都可能叫更加招牌嘅嘢，肠仔同埋火腿都冇乜特别。下次过去澳门会再食。