麵場田所商店 (已結業)

大概中午12:50去到，一去到唔洗等位就即刻有得坐，个侍应非常好态度问我地几位，之后仲将两张两人枱拍埋，每人都有一杯冻水或者茶，之后我地睇餐牌见到有中午套餐，就叫左个套餐Ａ，叫北海道拉面，佢有三只汤底，北海道系最浓既，侍应有好贴心咁同我地讲，如果觉得太浓可以唔洗加钱问佢拎清汤加落个汤到，系餐牌上睇套餐比起单点既拉面好似细好多，但最后我地都系捧住个肚走，因为个套餐除左面有加埋两只饺子同小量既中华沙律，同埋侍应好勤力咁帮我地加水。我觉得饺子唔干，好好味。个面系好浓味，加多少少清汤个味就岩岩好。单点既拉面有三块叉烧，套餐既叉烧得一块。但我觉得一块都大块到吓亲我，成块猪扒咁，好软熟。所以我同我既朋友都觉得呢间拉面一定有下次！