8

营业中

休息中

Item: 8
Rating: 5
Author: miffyeats

The Eight

4.5

113 食记

味道

环境

服务

卫生

抵食

5251

南湾

$401-800

粤菜 (广东) 中菜馆酒店餐厅

miffyeats

等级3

终于挨到放两日假，去澳门同男朋友庆生🥳🥳！第一站我拣咗去新葡京嘅8，想一尝米之莲三星既点心午餐🤤其实我已经N年冇去澳门，今次一落船喺外港码头就见到好多免费穿梭巴士去唔同嘅酒店赌场，所以好容易就揾到去新葡京嘅巴士，虽然条队好长，但系啲穿梭巴嘅密度真系好高，我哋上唔到第一架，第二架等都唔使3分钟就来啦。而且好快有上门人即刻开走，又出码头到新葡京都系大约15分钟左右嘅时间。新葡京系大马路嘅路口，可能始终唔系国际连锁大饭店，所以佢走返一啲中国风嘅设计同品味，主要都系玩金碧辉煌为主。8就系喺酒店嘅3楼，去到lobby 搭lift都好快揾到。我之前喺网上已经订咗枱，本身谂住食中午定12点半，但佢哋当时回覆email就话中午要分两轮，只能够拣食11点半或者1点15分。咁我拣咗1:15啦，最尾1点钟去到餐厅的确张枱未ready，不过门口既reception 都请我地喺门口旁边既waiting room坐低等候。喺入面去左个toilet冇耐就入得了。我觉得呢间餐厅其中一个大卖点就系有门口入去餐厅里面嘅呢一条路嘅设计，有侍应姐姐带你系一道门感应到之后自己开咗，然后穿过一条好似黑色嘅隧道咁样，两边有一啲流水

终于挨到放两日假，去澳门同男朋友庆生🥳🥳！第一站我拣咗去新葡京嘅8，想一尝米之莲三星既点心午餐🤤
其实我已经N年冇去澳门，今次一落船喺外港码头就见到好多免费穿梭巴士去唔同嘅酒店赌场，所以好容易就揾到去新葡京嘅巴士，虽然条队好长，但系啲穿梭巴嘅密度真系好高，我哋上唔到第一架，第二架等都唔使3分钟就来啦。而且好快有上门人即刻开走，又出码头到新葡京都系大约15分钟左右嘅时间。
新葡京系大马路嘅路口，可能始终唔系国际连锁大饭店，所以佢走返一啲中国风嘅设计同品味，主要都系玩金碧辉煌为主。8就系喺酒店嘅3楼，去到lobby 搭lift都好快揾到。
我之前喺网上已经订咗枱，本身谂住食中午定12点半，但佢哋当时回覆email就话中午要分两轮，只能够拣食11点半或者1点15分。咁我拣咗1:15啦，最尾1点钟去到餐厅的确张枱未ready，不过门口既reception 都请我地喺门口旁边既waiting room坐低等候。喺入面去左个toilet冇耐就入得了。

34 浏览

0 赞好

0 留言

我觉得呢间餐厅其中一个大卖点就系有门口入去餐厅里面嘅呢一条路嘅设计，有侍应姐姐带你系一道门感应到之后自己开咗，然后穿过一条好似黑色嘅隧道咁样，两边有一啲流水流到落地下，好似两块瀑布咁。你脚下就系有一个电子萤幕，有一啲电脑画既金鱼🐟🐟喺度游嚟游去，成件事就好似你穿𠮶啲金鱼一样走咗入去一个水帘洞咁，而当你入到去餐厅入边就见到一个好巨大嘅圆形水晶灯，成个感觉好华丽同埋惊艳💃🏼🕺🏼
宏观餐厅都几大，可能佢都系以大枱为主，所以二人枱等细枱相对地就要放喺角落头。我哋比安排坐系一个角落，好处就系好静，但坏处就系冷气好似唔够劲咁，有少少局促。其实一开始坐低都唔系好觉嘅，系去到食食下野先至感觉到，所以当时都冇再要求转枱啦。

店员为我地介绍有几本唔同嘅Menu，去到最咪佢就问我地有冇需要啲咩餐饮，佢又提出果汁、汽水、餐酒等等，有少少奇怪佢唔讲埋有咩茶。因为中午有点心，我哋都觉得唔系好衬饮酒，所以都系叫佢俾咗普里茶我哋就得啦。
男朋友有啲傻猪，攞住本a la Carte Menu问呢本既菜暂时仲有冇。佢嘅意思系因为惊当时已经1点15分，唔知会唔会有啲菜式唔会供应。个侍应姐姐回应嘅时候，令我觉得有啲odd，因为佢话：唔系暂时，系一直都有。你有咩想点？我觉得呢一下有少少blunt，其实你答，呵，我地呢本menu所有菜式都可以order架，咁就得啦。米之莲三星餐厅咁样去对答客人嘅提问，令我觉得有少少唐突。
我哋最咪都点左几款有名嘅点心，包括金鱼饺、烧卖皇、手袋酥。另外叫左个小食椒盐龙利仔，同埋一个烧味双拼（乳猪同叉烧）。两个人应该都好够饱了。