影片
更多
2009-10-19
216 浏览
朋友话呢间野食早餐一流. 所以虽然黎呢到有d远, 不过仍然一早就坐车黎呢到食早餐. 之前经过见到佢一盘盘系楼上新鲜出炉既包点好鬼香. 我哋𠮶日就系到坐左一朝, 为既就系可以食到佢新鲜出炉既面包!! 去到既时候见佢好似唔系 '新鲜出炉", 所以我哋就一路食一路等:热鸳鸯: 一向都点开奶茶既我系朋友们再三推介之下就点左我生平第一杯鸳鸯, 所以我都唔知系唔系叫做好味. 不过饮到好浓既茶味. 我就觉得入口好滑啰. 虽然我平时都饮惯茶记既奶茶同咖啡. 不过估唔到只系奶茶加咖啡既鸳鸯既味道已经系完全另一回事! 不过佢哋讲到咁好饮, 我第一次就饮d咁好既野, 我惊我以后饮唔到其他差野㖞.蛋挞: 点既时候阿姐明明话系热既, 不过上枱时一摸就知系冻! 不过好彩佢系牛油皮唔系酥皮, 如果唔系冻左既酥皮黏堆一旧仲唔好食. 呢到既牛油皮比起我平时食既牛油皮硬身. 居然系脆... 系脆到好似平时食d咬落去会断开两截既饼干咁. 几得意! 蛋浆甜度正常. 食完一个都唔会好漏. 多士: 佢呢到有用猪仔包做既多士同埋方包既多士. 两只都好好味. 其实d料不外乎都系奶油占浆. 不过佢d面包都系烘到好脆, 又唔会干到介口㖞
热鸳鸯: 一向都点开奶茶既我系朋友们再三推介之下就点左我生平第一杯鸳鸯, 所以我都唔知系唔系叫做好味. 不过饮到好浓既茶味. 我就觉得入口好滑啰. 虽然我平时都饮惯茶记既奶茶同咖啡. 不过估唔到只系奶茶加咖啡既鸳鸯既味道已经系完全另一回事! 不过佢哋讲到咁好饮, 我第一次就饮d咁好既野, 我惊我以后饮唔到其他差野㖞.
蛋挞: 点既时候阿姐明明话系热既, 不过上枱时一摸就知系冻! 不过好彩佢系牛油皮唔系酥皮, 如果唔系冻左既酥皮黏堆一旧仲唔好食. 呢到既牛油皮比起我平时食既牛油皮硬身. 居然系脆... 系脆到好似平时食d咬落去会断开两截既饼干咁. 几得意! 蛋浆甜度正常. 食完一个都唔会好漏.
多士: 佢呢到有用猪仔包做既多士同埋方包既多士. 两只都好好味. 其实d料不外乎都系奶油占浆. 不过佢d面包都系烘到好脆, 又唔会干到介口㖞. 香口非常!!!
波萝包: 等到最后我都系等唔到新鲜既. 最后系波萝包同鸡尾包两者中挣扎左好耐先决定叫佢帮我整热个现成既波萝包. 菠萝包个样非常怀旧~~~ 个波萝皮面同我平时食𠮶d好唔一样. 唔知应该点形容, 简单d黎讲丑样d. 至于味道... 个波萝面无出面食到既咁脆同甜, 但系佢既包身就同出面一样都系泡泡地~~~ 早知食鸡尾包~~~
坐左个几钟都唔见佢出新鲜包, 食到个胃都无晒位就唯有走啦. 下次要黎食我谂一系早到8点几or迟d lunch时间黎先啱!
张贴